मराठी लालची उंदीरमामा

परिचय

उंदीर व पाव यावर आधारित ही गोष्ट आहे. उंदीर, पाव घरी नेण्यासाठी खूप प्रयत्न करतो . पण पाव जागचा हलत नाही. त्यावेळी उंदीर पाव थोडा थोडा खातो. व तो पाव घरात घेवून जातो. पण पोट खूप भरल्यामुळे त्याला घरात जाता येत नाही. त्याच्या लोभाची त्याला शिक्षा मिळते.

वर्गातील उपक्रम

पूर्व-श्रवण उपक्रम

• बडबड गीत अभिनय करून म्हणून घेणे "उंदीरमामा उंदीरमामा काय करता ? "
• आपण न पाळता सुद्धा आपल्या घरी असणारे प्राणी कोणते ?
• तुमच्या घरी पाळलेले कोणते प्राणी आहेत ?

ऐकण्याच्या दरम्यानच्या क्रिया

• उंदराला काय सापडले ? उंदीराने पाव कोठे नेण्याचा प्रयत्न केला?
• पाव जागेवरून का हलला नाही ?
• उंदराने पाव घरी नेण्यासाठी कोणते प्रयत्न केले ?

श्रवणोत्तर क्रिया

• या गोष्टीवरून तुम्हांला कोणता बोध मिळतो ?
• तुला आवडणाऱ्या प्राण्याची तुझ्या शब्दात माहिती सांग.
• उंदराबद्दल तुम्हांला माहित असणारी गोष्ट किंवा बडबडगीत म्हणा.

पाठ्यपुस्तकाशी सलग्नता

"जावयाची करामत " या  पाठाशी ही गोष्ट संबंधित आहे.