جنگل کا اسکول (آڈیو کہانی ) سرگرمی صفحہ

یہ سرگرمی صفحہ طلباء کے زبان سیکھنے کے تجربات کو بہتر بنانے کے لیے ڈیجیٹل آڈیو کہانیوں کو ایک تعلیمی آلے کے طور پر استعمال کرنے کی کوشش کا حصہ ہے۔

تعارف:

جنگل میں اسکول کھلتے ہی سبھی جانور بڑے شوق سے اسکول جاتے ہیں اور وہاں کیا کیا ہوتا ہے اس کا ذکر اس کہانی میں کیا گیا ہے۔

کہانی کا ماخذ:پرتھم اسٹوری ویور

موضوعات: دوست اور دوستی ،جانور،مزاحیہ

موزوں برائے: ہائر پرائمری جماعت ۴،جماعت۵،جماعت ۶،جماعت ۷

تعلیمی مقاصد:

1. طلباء کہانی سنیں اور اس کی سمجھ حاصل کریں۔
2. طلباء کہانی کی بنیاد پر مختلف جذبات، جنگلی حیات، اور جنگل کی زندگی پر گفتگو کریں۔
3. طلباء تخلیقی سرگرمیوں میں شامل ہو کر اپنی فنکارانہ صلاحیتوں کو نکھار سکیں۔
4. طلباء جنگلی حیات اور قدرتی ماحول کے بارے میں مزید جان سکیں۔
5. طلباء کہانی کے کرداروں اور حالات سے اپنی زندگی کے تجربات کو جوڑ سکیں۔

کمرۂ جمارت کی سرگرمیاں:

یہاں کچھ طریقے ہیں جن سے آپ اس کہانی کو اپنی کلاس میں لے جا سکتے ہیں:

قبل از سننے کی سرگرمیاں:

1. آوازوں کی شناخت: مختلف پرندوں اور جانوروں کی آوازیں سنائیں اور بچوں سے ان آوازوں کو پہچاننے کے لیے کہیں۔
2. نظم کی اداکاری: بچوں کو مکھوٹے پہن کر درج ذیل نظم کی اداکاری کرنے دیں:
   • نظم: "جنگل میں جانور کھیلتے ہیں، ہم بھی کھیلیں گے ایسے ایسے۔"
   • آواز کی مشق: طوطے کی نظم کو آواز کے اتار چڑھاؤ کے ساتھ پڑھیں۔
   • نظم: "میں طوطا، میں طوطا، ہرے رنگ کا میں طوطا، چونچ ہے میری لال رنگ کی، مٹھو مٹھو میں کرتا۔"
3. پہیلی: پہیلی بول کر بچوں سے جانور پہچاننے کے لیے کہا جائے گا:
   • پہیلی: "بھاری بھرکم جسم ہے اس کا، پنکھے جیسے کان ہیں اس کے۔ پہچانو میں ہوں کون؟"

سننے کے دوران کی سرگرمیاں:

1. کلیدی الفاظ کی پہچان: کہانی سننے کے دوران جانوروں اور پرندوں کے ناموں کی شناخت کروائیں۔
2. کہانی کے کردار: کہانی کے دوران رک کر بچوں سے کرداروں کے نام اور تعداد بتانے کے لیے کہا جائے۔
3. الفاظ کی مشق: جنگل اور اسکول جیسے الفاظ کو مرکز بنا کر ان سے متعلقہ الفاظ لکھوائیں۔
4. تصاویر بنانا: بچوں سے کہانی میں موجود جانوروں اور پرندوں کی تصاویر بنوائیں اور ان میں رنگ بھروائیں۔
5. ماڈل سرگرمی: چند جانوروں کے ماڈلز رکھ کر انہیں (ریت، مٹی، نمک) کا استعمال کرتے ہوئے آہستہ سے اٹھائیں تاکہ ان کے سائے بن جائیں۔

سننے کے بعد کی سرگرمیاں:

1. تصویر کشی: جنگل کی منظرکشی کی تصویر میں رنگ بھروائیں۔
2. ماڈل بنانا: بچوں کو جنگل کا ماڈل بنانے دیں اور اس کی تصویر کشی کریں۔
3. ماڈلز کی تخلیق: بچوں سے جانوروں اور پرندوں کے ماڈلز مٹی سے تیار کروائیں۔
4. پروں کا جمع کرنا: بچوں کو پرندوں کے پروں کو جمع کرنے کی ترغیب دیں اور ان پر گفتگو کریں۔
5. رہائش اور غذاکا انتظام: بچوں سے جانوروں اور پرندوں کی رہائش گاہ اور غذا کا انتظام کرنے کے بارے میں بات چیت کریں۔
6. ڈرامائی پیشکش: کہانی کے کسی ایک حصے کو ڈرامائی انداز میں پیش کریں، جہاں بچے مختلف کرداروں کا کردار ادا کریں۔
7. جانوروں کے کردار کی تفصیل: بچوں سے پوچھیں کہ وہ کس جانور کا کردار ادا کرنا چاہتے ہیں اور کیوں، تاکہ وہ کہانی میں زیادہ دلچسپی لیں۔
8. جانوروں کی عادات پر بات چیت: جنگل میں جانوروں کی مختلف عادات اور ان کی زندگی کے بارے میں بات چیت کریں۔

کتاب سے جوڑنا:

مذکورہ موضوع پر مبنی نصابہ کتاب کے اسباق سے انہیں جوڑا جا سکتا ہے۔

جذبات کی شناخت:

1. مل جل کر رہنا: "اتحاد میں طاقت ہے" کے موضوع پر گفتگو کریں اور بچوں سے سوالات کریں کہ کس طرح مل جل کر کام کیا جا سکتا ہے۔