ಕೆ-ಅನಗ್ರಾಮ್ ಕಲಿಯಿರಿ

See in English ಪರಿಚಯ ಕೆ-ಅನಗ್ರಾಮ್ ಎಂಬುದು ಪದಪಟ್ಟಿಯ ಚಟುವಟಿಕೆಗೆ ಬಳಸುವ ಸ್ವತಂತ್ರ-ಮುಕ್ತ ಅನ್ವಯಕವಾಗಿದೆ. ಇದು ವಿವಿಧ ವರ್ಗದ ಪದಗಳ ಪಟ್ಟಿಯನ್ನು ಒಳಗೊಂಡಿರುತ್ತದೆ. ಇದರಲ್ಲಿ ಶಬ್ದಕೋಶವನ್ನು ಒಳಗೊಂಡಿದ್ದು, ಬಳಕೆದಾರರು ಪದಗಳ ಪಟ್ಟಿಯನ್ನು ಡೌನ್‌ಲೋಡ್‌ ಮಾಡಬಹುದು ಮತ್ತು ತಮ್ಮದೇ ಆದ ಪದ ಪಟ್ಡಿಯ ಶಬ್ದಕೋಶವನ್ನು ರಚಿಸಬಹುದಾಗಿದೆ. ಮೂಲ ಮಾಹಿತಿ ಐ.ಸಿ.ಟಿ ಸಾಮರ್ಥ್ಯ ಕೆ-ಅನಗ್ರಾಮ್ ಎಂಬುದು ವಿಷಯ ಸಂಪನ್ಮೂಲ ರಚನೆ ಸ್ವತಂತ್ರ-ಮುಕ್ತ ಅನ್ವಯಕವಾಗಿದೆ (ಭಾಷೆ). ಇದು ವೃತ್ತಿಗಳು, ದೇಶಗಳು, ಹಣದ ವಿಧಗಳು, ಜನರು, ಹಣ್ಣುಗಳು, ಪ್ರಾಣಿಗಳು, ರಾಜಧಾನಿಗಳು ಹೀಗೆ ಇತ್ಯಾದಿ ವಿಂಗಡಣೆಗಳ ಪದಪಟ್ಟಿಯ ಹೊಂದಿರುತ್ತದೆ. ಶೈಕ್ಷಣಿಕ ಅನ್ವಯಕ ಮತ್ತು ಔಚಿತ್ಯತೆ ಕೆ-ಅನಗ್ರಾಮ್ ಎಂಬುದು ಪದಪಟ್ಟಿಯನ್ನು ವಿದ್ಯುನ್ಮಾನವಾಗಿ ರಚಿಸಲು ಬಳಸುವ ಶೈಕ್ಷಣಿಕ ಆಟವಾಗಿದೆ. ಇದರಲ್ಲಿ ಅಕ್ಷರಗಳನ್ನು ತಿರುಗು-ಮುರುಗಾಗಿ ನೀಡಿ ಸರಿಪಡಿಸುವುದು, ಬೇರೆ ಬೇರೆ ಅಕ್ಷರಗಳನ್ನು ನೀಡಿ ಒಂದು ಪದವನ್ನು ಊಹೆ ಮಾಡಲು ತಿಳಿಸಬಹುದು. ಇದರ ಮೇಲ್ಮೈ ನೋಟವು ಚಿಕ್ಕ ಮಕ್ಕಳೂ ಕೂಡ ಬಳಸುವಂತೆ ವಿನ್ಯಾಸಗೊಂಡಿದೆ. ಇಲ್ಲಿ ಪದಗಳು ಮತ್ತು ಅಕ್ಷರಗಳೊಡನೆ ಆಟ ಆಡುವಾಗ ಯಾವುದೇ ಸಮಯ ಮಿತಿ ಅಥವಾ ಪ್ರಯತ್ನಗಳ ಮಿತಿ ಇರುವುದಿಲ್ಲ. ಇದರ ಜೊತೆಗೆ ಆಟದಲ್ಲಿ ಸುಳಿವನ್ನು ನೀಡುವ ಅಂಶಗಳು ಸಹ ಇವೆ. ಇದನ್ನು ಸಾಮಾನ್ಯ ಜ್ಞಾನ ವೃದ್ದಿಸಲು ಸಹ ಬಳಸಬಹುದು. ಆವೃತ್ತಿ Version - 1.2. ಇದು Kde.Edu ಪ್ಯಾಕೇಜಿನ ಭಾಗವಾಗಿದೆ. ಸಂರಚನೆ ಈ ಅನ್ವಯಕವು ಉಬುಂಟು ಕಸ್ಟಂ ವಿತರಣೆಯ ಭಾಗವಾಗಿದ್ದು, ಯಾವುದೇ ಸಂರಚನೆಯ ಅಗತ್ಯತೆ ಇರುವುದಿಲ್ಲ. ಇತರೇ ಸಮಾನ ಅನ್ವಯಕಗಳು Tanglet ಮೊಬೈಲ್ ಮತ್ತು ಟ್ಯಾಬ್ಲೆಟ್‌ನಲ್ಲಿ ಈ ಅನ್ವಯಕ ಅನಗ್ರಾಮ್‌ ನ ಆಂಡ್ರಾಯಿಡ್‌ ಆವೃತ್ತಿಯ ಅನ್ವಯಕಗಳಂತೆಯೇ ಎಫ್‌ಡ್ರಾಯಿಡ್ ನಲ್ಲಿ ಲಭ್ಯವಿವೆ. AnagramSolver and Agram.AnagramSolver and Agram. ಅಭಿವೃದ್ದಿ ಮತ್ತು ಸಮುದಾಯ ಸಹಾಯ KDE Edu ಕನಗ್ರಾಮ್ ಕೈಪಿಡಿ KDE ಅಧಿಕೃತ ವೆಬ್‌ಪುಟ ಲಕ್ಷಣಗಳ ಮೇಲ್ನೋಟ ಕೆ-ಅನಗ್ರಾಮ್‌ ನಲ್ಲಿ ಹಲವಾರು ಅಕ್ಷರಗಳು ಮತ್ತು ಪದಗಳ ಪಟ್ಟಿ ಲಭ್ಯವಿರುತ್ತದೆ. ಹಾಗೆಯೇ ಪ್ರಶ್ನೆಗಳಿಗೆ ಉತ್ತರ ಹುಡುಕಲು ಸುಲಭವಾಗುವಂತೆ ಕೆಲವು ಸುಳಿವುಗಳನ್ನು ಸಹ ಕೆ-ಅನಗ್ರಾಮ್‌ ನಲ್ಲಿ ನೋಡಬಹುದು. ಕೆ-ಅನಗ್ರಾಮ್‌ ನಲ್ಲಿ ನಾವೇ ಹೊಸ ಹೊಸ ಪದಗಳನ್ನು ಜೋಡಿ ಬಹುದು ಹಾಗು ರಸಪ್ರಶ್ನೆ ರಚಿಸಬಹುದು. ಅನುಸ್ಥಾಪನೆ ಈ ಅನ್ವಯಕವು ಉಬುಂಟು ಕಸ್ಟಂ ವಿತರಣೆಯ ಭಾಗವಾಗಿರುತ್ತದೆ. ಒಂದುವೇಳೆ ನಿಮ್ಮ ಕಂಪ್ಯೂಟರ್‌ನಲ್ಲಿ ಈ ಅನ್ವಯವನ್ನು ಹೊಂದಿರದಿದ್ದಲ್ಲಿ. ಉಬುಂಟು ಸಾಪ್ಟ್‌ವೇರ್ ಸೆಂಟರ್‌ನಲ್ಲಿ “ Kanagram ” ಎಂದು ನಮೂದಿಸಿ ಹುಡುಕಿ ಅನುಸ್ಥಾಪನೆ ಮಾಡಿಕೊಳ್ಳಬಹುದು. ಅಥವಾ ಟರ್ಮಿನಲ್ ಮೂಲಕ ಅನುಸ್ಥಾಪನೆ ಮಾಡಿಕೊಳ್ಳಬೇಕಾದಲ್ಲಿ ಈ ಕೆಳಗಿನ ವಿಧಾನವನ್ನು ಅನುಸರಿಸಿ. Application > System Tools > ಮೂಲಕ ಟರ್ಮಿನಲ್ ತೆರೆಯಬಹುದು ಅಥವಾ ಕೀಲಿಮಣೆಯಲ್ಲಿ Ctrl+Alt+T ಒತ್ತುವ ಮೂಲಕವೂ ತೆರೆಯಬಹುದು. ಟರ್ಮಿನಲ್ ಪುಟ ತೆರೆದ ನಂತರ ಡಾಲರ್ ಚಿಹ್ನೆಯ ನಂತರ ($) ಈ ಕೆಳಗಿನ ಕಮಾಂಡ್ ನಮೂದಿಸಿ sudo apt-get install kanagram ಅನ್ವಯಕ ಬಳಕೆ ಕೆ-ಅನಗ್ರಾಮ್‌ ಅನ್ವಯಕ ಪುಟ ಕೆ-ಅನಗ್ರಾಮ್‌ ಅನ್ವಯಕ ಪುಟ ಕೆ-ಅನಗ್ರಾಮ್‌ ಅನ್ವಯಕ ಪುಟ ಕೆ-ಅನಗ್ರಾಮ್‌ ಮೆನು ಅದಲುಬದಲು ಪದಕ್ಕಾಗಿ ಸುಳಿವು ಕೆ-ಅನಗ್ರಾಮ್‌ನ್ನು Application > Education > Kanagram ಮೂಲಕ ತೆರೆಯಬಹುದು. ಕೆ-ಅನಗ್ರಾಮ್‌ನ ಬಲಬದಿಯಲ್ಲಿ ವಿವಿಧ ಆಯ್ಕೆಗಳಿರುವುದನ್ನು ಕಾಣಬಹುದು. (ಚಿತ್ರದಲ್ಲಿರುವ ಸಂಖ್ಯೆ ರೀತಿಯಲ್ಲಿ ವಿವರಿಸಲಾಗಿದೆ) 1 ಮತ್ತು 2: ಶಬ್ದಕೋಶದ ವಿಧವನ್ನು ಬದಲಾಯಿಸಲು ಬಳಸುತ್ತದೆ. 3: ಮುಂದಿನ ಪದಕ್ಕೆ ತೆರಳುವುದು. 4: ಸುಳಿವು ನೀಡುವುದು 5: ಸಮಯ- ಪದ ಗುರುತಿಸುವ ಪ್ರತಿ ಆಟಕ್ಕೂ ಸಮಯ ನಿರ್ಧರಿಸಿಕೊಳ್ಳಬಹುದು. 6: ಕೆ-ಅನಗ್ರಾಮ್ ಸಂರಚನೆ : ತಿದ್ದುಪಡಿ ಮಾಡಬಹುದು. ಹಾಗೆಯೇ ಮತ್ತಷ್ಟು ಪದಗಳನ್ನು ಸೇರಿಸಬಹುದು. 7: ಕೆ-ಅನಗ್ರಾಮ್‌ ನಿಂದ ನಿರ್ಗಮನ ಹೊಂದುವುದು. Hint ಕೀ ನಿಮಗೆ ಅದಲು-ಬದಲು ಪದದ ಉತ್ತರ ಕಂಡುಹಿಡಿಯಲು ಸಾಧ್ಯವಾಗುವಂತಹ ಸುಳಿವನ್ನು ಒದಗಿಸುತ್ತದೆ. ಪದಗಳ ಆಟ ಆಡುವುದು ಪದಗಳ ಆಟ ಆಡುವುದು ಅದಲುಬದಲು ಪದ ಸರಿಯಾದ ಉತ್ತರ ನೀವು ಸರಿಯಾದ ಉತ್ತರವನ್ನು ನಮೂದಿಸಿದರೆ, ಕೆ-ಅನಗ್ರಾಮ್‌ ನ ಕೆಳಗೆ ಹಸಿರು ಬಣ್ಣದ ಗೆರೆಯನ್ನು ಕಾಣಬಹುದು. ಇದು ಮತ್ತೆ ಮುಂದಿನ ಪದಕ್ಕೆ ಹೋಗುವುದು. ನೀವು ತಪ್ಪು ಉತ್ತರವನ್ನು ನಮೂದಿಸಿದರೆ ಇದು ಮುಂದಿನ ಪದಕ್ಕೆ ಹೋಗುವುದಿಲ್ಲ, ನೀವೆ ಮುಂದಿನ ಹಂತಕ್ಕೆ ಹೋಗಲು "next" ಮೇಲೆ ಒತ್ತಬೇಕು. ಸುಳಿವನ್ನು ಬಳಸಿಕೊಂಡು ಸರಿಯಾದ ಉತ್ತರವನ್ನು ನಮೂದಿಸಬಹುದು.ತಪ್ಪಾಗಿ ನಮೂದಿಸಿದ ನಂತರ ಕೆ-ಅನಗ್ರಾಮ್ ಸರಿಯಾದ ಉತ್ತರವನ್ನು ಪ್ರಕಟಿಸುತ್ತದೆ. ನಿಮ್ಮದೇ ಪದಪಟ್ಟಿಯನ್ನು ರಚಿಸುವುದು ಕೆ-ಅನಗ್ರಾಮ್‌ ನಲ್ಲಿ ನಿಮ್ಮದೇ ಆದ ಪದಪಟ್ಟಿಯ ಶಬ್ದಕೋಶವನ್ನು ರಚಿಸಬಹುದು. ಹಾಗೆಯೇ ಈ ಶಬ್ದಕೋಶಗಳನ್ನು ನಿಮಗೆ ಬೇಕಾದಾಗ ಪರಿಷ್ಕರಿಸಬಹುದು. ನಿಮ್ಮದೇ ಪದಪಟ್ಟಿಯನ್ನು ರಚಿಸುವುದು ಕೆ-ಅನಗ್ರಾಮ್‌ ಸಂರಚನೆ ವಿಂಡೋ ಶಬ್ದಕೋಶ ರಚನೆ ಶಬ್ದಕೋಶಕ್ಕೆ ಪದ ಮತ್ತು ಸುಳಿವು ಸೇರಿಸುವುದು ಕೆ-ಅನಗ್ರಾಮ್‌ ನಲ್ಲಿ ನಿಮ್ಮದೇ ಆದ ಪದಪಟ್ಟಿಯ ಶಬ್ದಕೋಶವನ್ನು ರಚಿಸಬಹುದು. ಇದಕ್ಕಾಗಿ ಕೆ-ಅನಗ್ರಾಮ್‌ ನಲ್ಲಿ Configure Kanagram -> Vocabulariesನ್ನು ಕ್ಲಿಕ್ ಮಾಡಬೇಕು. ಹೊಸ ವಿಧದ ಶಬ್ದಕೋಶಗಳನ್ನು ನೀವು ರಚಿಸಬಹುದು. ಉದಾಹರಣೆಗೆ 'Rivers of India'. 'Rivers of India' ದ ಬಗೆಗಿನ ಶಬ್ದಕೋಶ ರಚಿಸಲು Vocabularies ನಲ್ಲಿ "Create New" ಮೇಲೆ ಕ್ಲಿಕ್ ಮಾಡಿ. ಇಲ್ಲಿ ಶಬ್ದಕೋಶದ ಹೆಸರನ್ನು(Rivers) ನಮೂದಿಸಿ ಹಾಗೆಯೇ ವಿವರಣೆಯನ್ನು (Rivers of India) ಸಹ ನಮೂದಿಸಿ. ನಂತರ "New word" ಮೇಲೆ ಕ್ಲಿಕ್ ಮಾಡಿ ಪದಗಳನ್ನು ಹಾಗು ಸುಳಿವನ್ನು ಸೇರಿಸಿ ಕೊನೆಯಲ್ಲಿ, ಇದೇ ರೀತಿ ನಿಮಗೆ ಬೇಕಾದಷ್ಟು 'Rivers of India' ದ ಬಗೆಗಿನ ಪದಗಳು ಮತ್ತು ಸುಳಿವನ್ನು ಸೇರಿಸಬಹುದು. "SAVE" ಮೇಲೆ ಕ್ಲಿಕ್ ಮಾಡಿ. ರಚಿಸಿದ ಶಬ್ದಕೋಶಗಳನ್ನು ತಿದ್ದುಪಡಿ ಮಾಡುವುದು .kvtml ಕಡತ ತೆರೆಯುವುದು. gedit ಮೂಲಕ .kvtml ಕಡತ ತೆರೆಯುವುದು. ಶಬ್ದಕೋಶಕ್ಕೆ ಪದಗಳನ್ನು ಸೇರಿಸುವುದು ನೀವು ರಚಿಸಿದ ಶಬ್ದಕೋಶಗಳನ್ನು ಕೆ-ಅನಗ್ರಾಮ್‌ನ ಮುಖಪುಟದ "Configure" ಮೂಲಕ ತಿದ್ದುಪಡಿ ಮಾಡಲಾಗುವುದಿಲ್ಲ. ಇವನ್ನು ತಿದ್ದುಪಡಿ ಮಾಡಲು ಈ ಕೆಳಗಿನ ವಿಧಾನವನ್ನು ಅನುಸರಿಸಿ : .local/share/apps/kvtml/en ಕಡತಕೋಶಕ್ಕೆ ಹೋಗಿ. ನಿಮ್ಮ ಶಬ್ದಕೋಶದ ಹೆಸರಿನ .kvtml fileನ ಮೇಲೆ ಮೌಸ್‌ನ ಬಲಬದಿಯನ್ನು ಒತ್ತಿ. "open with "gedit" ನ್ನು ಆಯ್ಕೆ ಮಾಡಿಕೊಳ್ಳಿ . (Application -> Accessories -> Text Editor). ಮೂರನೇ ಚಿತ್ರದಲ್ಲಿ ತೋರಿಸಿರುವಂತೆ ಅಲ್ಲಿನ ಮೊದಲನೇ ಪದದ ಕೋಡ್‌ನ್ನು ಕಾಪಿ ಮಾಡಿಕೊಳ್ಳಿ. ಇದರಲ್ಲಿ entry idನ್ನು ಮಾತ್ರ ಬದಲಾಯಿಸಿ, ಪದಗಳನ್ನು ಎಷ್ಟು ಸೇರಿಸುತ್ತೀರೋ ಹಾಗೇ ಈ ಐಡಿಯನ್ನು ಕ್ರಮಾನುಗತವಾಗಿ ಸೇರಿಸಿ.ಇದರಲ್ಲಿ text ಎಂದು ಇರುವ ಕಡೆ ಪದದ ಹೆಸರನ್ನು ಸೇರಿಸಿ. ಹಾಗೆಯೇ comments ನಲ್ಲಿ ಸುಳಿವನ್ನು ಸೇರಿಸಿ. . ಕಾಪಿ ಮಾಡಿಕೊಳ್ಳಬೇಕಾದ ಕೋಡ್‌ ಸ್ಯಾಂಪಲ್ ಈ ಕೆಳಗೆ ನೀಡಲಾಗಿದೆ: <entry id="0"> <translation id="0"> <text>Word</text> <comment>hint</comment> </translation> </entry> ಈ ರೀತಿಯಾಗಿ ಕೋಡ್‌ ಕಾಪಿ ಮಾಡಿಕೊಳ್ಳುತ್ತಾ ಎಷ್ಟು ಪದಗಳನ್ನು ಬೇಕಾದರು ಸೇರಿಸಬಹುದು. gedit ನಲ್ಲಿ ತಿದ್ದುಪಡಿ ಮಾಡಿದ ನಂತರ ಆ ಕಡತವನ್ನು ಉಳಿಸಿ. ನಂತರ ಕೆ-ಅನಗ್ರಾಮ್ ತೆರೆದಾಗ ನೀವು ರಚಿಸಿದ ಪದಗಳ ಪಟ್ಟಿಯನ್ನು ನೋಡಬಹುದು. ಇನ್ನೊಂದು ರೀತಿಯಲ್ಲಿ ಸರಳವಾಗಿ ಪದಗಳನ್ನು ತಿದ್ದುಪಡಿ ಮಾಡುವುದೆಂದರೆ, ಪರಿಷ್ಕೃತ ಪದಗಳ ಪಟ್ಟಿಯೊಂದಿಗೆ ಹೊಸದಾದ ಶಬ್ದಕೋಶವನ್ನು ನೇರವಾಗಿ ಕೆ-ಅನಗ್ರಾಮ್ ಮೂಲಕವೇ ರಚಿಸಿ. ಸ್ಥಳೀಯ ಭಾಷೆಗಳ ಶಬ್ದಕೋಶ ರಚನೆ (other than English) ಸ್ಥಳೀಯ ಭಾಷೆಗಳ ಪದಕೋಶವನ್ನು ಸ್ಥಳೀಯ ಭಾಷೆಗಳ ಪದಕೋಶವನ್ನು ಸ್ಥಳೀಯ ಭಾಷೆಗಳ ಪದಕೋಶವನ್ನು ತಿದ್ದುಪಡಿಮಾಡುವು ಸ್ಥಳೀಯ ಭಾಷೆಗಳ ಪದಕೋಶವನ್ನು ಕೆ-ಅನಗ್ರಾಮ್‌ ಗೆ ಸೇರಿಸಬಹುದಾಗಿದೆ. ಇದಕ್ಕಾಗಿ ಕೆ-ಅನಗ್ರಾಮ್‌ ನಲ್ಲಿ Configure Kanagram -> Vocabulariesನ್ನು ಕ್ಲಿಕ್ ಮಾಡಬೇಕು. ನಿಮ್ಮದೇ ಭಾಷೆಯಲ್ಲಿ ಪದಗಳು ಹಾಗು ಸುಳಿವುಗಳನ್ನೊಳಗೊಂಡ ಶಬ್ದಕೋಶ ರಚಿಸಬಹುದು. 'ಪ್ರಸ್ತುತ ಇದು ಒತ್ತಕ್ಷರಗಳಿಂದ ಕೂಡಿದ ಪದಗಳಿಗೆ ಅನ್ವಯಿಸುತ್ತಿಲ್ಲ. ಕೇವಲ ಸರಳ ಪದಗಳಿಗೆ (ಒತ್ತಕ್ಷರಗಳು ಮತ್ತು ಧೀರ್ಘಾಕ್ಷರಗಳಿಲ್ಲದ) ಮಾತ್ರ ಅನ್ವಯಿಸುತ್ತಿದೆ. ಮುಂದಿನ ಆವೃತ್ತಿಗಳಲ್ಲಿ ಇದು ಬಗೆಹರಿಯಬಹುದಾಗಿದೆ'. ಶಬ್ದಕೋಶವನ್ನು ತಿದ್ದುಪಡಿ ಮಾಡಲು, .local/share/apps/kvtml/en ಕಡತಕೋಶದಲ್ಲಿ ನಿಮ್ಮ ಶಬ್ದಕೋಶದ ಕಡತವನ್ನು "gedit" ಮೂಲಕ ತೆರೆದು ಈ ಹಿಂದಿನ ವಿಭಾಗದಲ್ಲಿ ವಿವರಿಸಿದಂತೆ ಕೋಡ್‌ ಮೂಲಕ ತಿದ್ದುಪಡಿ ಮಾಡಬಹುದು. ಸ್ಥಳೀಯ ಭಾಷೆಯ ಶಬ್ದಕೋಶದ ಪದಗಳ ಆಟದ ಚಟುವಟಿಕೆಗೆ ಕೆ-ಅನಗ್ರಾಮ್ ಬಳಸುವಾಗ, ಸರಿಯಾದ ಪದವನ್ನು ಟೈಪು ಮಾಡಲು. ನಿಮ್ಮ ಭಾಷೆಯನ್ನು ಆಯ್ದುಕೊಳ್ಳಬೇಕು. ನಿಮ್ಮ ಡೆಸ್ಕ್‌ಟಾಪ್‌ ನ ಮೇಲ್ಭಾಗದಲ್ಲಿನ "En" ಮೇಲೆ ಕ್ಲಿಕ್ ಮಾಡಿ "KaGaPa phonetic" ನ್ನು ಆಯ್ದುಕೊಳ್ಳಿ. ಕಡತ ಉಳಿಸಿಕೊಳ್ಳುವುದು ಮತ್ತು ನಮೂನೆಗಳು ಅನ್ವಯವಾಗುವುದಿಲ್ಲ. ಉನ್ನತೀಕರಿಸಿದ ಲಕ್ಷಣಗಳು ಅನ್ವಯವಾಗುವುದಿಲ್ಲ. ಸಂಪನ್ಮೂಲ ರಚನೆಯ ಆಲೋಚನೆಗಳು ಭಾಷೆ ಕಲಿಕೆಗಾಗಿನ ರಸಪ್ರಶ್ನೆಗಳನ್ನು ರಚಿಸಲು, ಪದಬಂಧ ತಯಾರಿಸಲು ಈ ಅನ್ವಯಕವನ್ನು ಬಳಸಬಹುದು. ಅದೇ ರೀತಿ ಬೇರೆ ವಿಷಯಗಳ ಪದಪಟ್ಟಿಯನ್ನು ಸಹ ರಚಿಸಬಹುದು. ಆಕರಗಳು ಅಧಿಕೃತ ಕೆ-ಅನಗ್ರಾಮ್ ವೆಬ್‌ಪುಟ ವಿಕಿಪೀಡಿಯ