ಸಿಟ್ಟಿನ ಅಕ್ಕು - ಧ್ವನಿ ಕಥೆಯ ಚಟುವಟಿಕೆ ಪುಟ

ಈ ಚಟುವಟಿಕೆಯ ಪುಟವು ಡಿಜಿಟಲ್ ಆಡಿಯೊ ಕಥೆಗಳ ಶಕ್ತಿಯನ್ನು ಶಿಕ್ಷಣ ಸಾಧನವಾಗಿ ಬಳಸಿಕೊಳ್ಳುವ ಮೂಲಕ ವಿದ್ಯಾರ್ಥಿಗಳ ಭಾಷಾ ಕಲಿಕೆಯ ಅನುಭವಗಳನ್ನು ಉತ್ಕೃಷ್ಟಗೊಳಿಸುವ ಪ್ರಯತ್ನದ ಭಾಗವಾಗಿದೆ. ಹೆಚ್ಚಿನದನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ.

ಪೀಠಿಕೆ:

ಅಕ್ಕುವಿಗೆ ಈ ದಿನವೇಕೋ ಬೇಸರವಾಗಿದೆ, ಅವಳಿಗೆ ಕೋಪ ಬಂದಿದೆ. ಅಕ್ಕುವಿನ ಕೋಪ ಕಡಿಮೆಯಾಗಿದ್ದು ಹೇಗೆ? ನಿಮಗೂ ಕೋಪ ಬಂದಾಗ ಏನು ಮಾಡಬೇಕು ಎಂಬುದನ್ನು ತಿಳಿದುಕೊಳ್ಳಿ.

ಉದ್ದೇಶಗಳು :

ಈ ಕಥೆಯ ಮೂಲಕ ಮಕ್ಕಳಿಗೆ ನವರಸಭಾವಗಳ ಕುರಿತು ತಿಳಿಸಿ ಆ ಭಾವಕ್ಕೆ ತಕ್ಕಂತೆ ಧ್ವನಿ ಏರಿಳಿತ ಹಾಗೂ ಮುಖಭಾವ ಬದಲಾವಣೆ ಮಾಡುವುದನ್ನು ಕಲಿಸಿವುದರ ಮೂಲಕ ಮಕ್ಕಳಿಗೆ ಅಭಿನಯದಲ್ಲಿ ಆಸಕ್ತಿ ಮೂಡುವಂತೆ ಮಾಡಬಹುದು. ಅಲ್ಲದೇ ಭಾವನೆಗಳನ್ನ ನಿರ್ವಹಣೆ ಮಾಡುವುದು ಹೇಗೆ ಎಂಬುದನ್ನು ಮಕ್ಕಳಿಗೆ ತಿಳಿಸಿಕೊಡಬಹುದು.

ಕಥಾ ವಸ್ತು : ಭಾವನೆಗಳು, ಜೀವನ ಕೌಶಲ್ಯ, ಕುಟುಂಬ

ಗುರುತು ಪಟ್ಟಿ : ಹಿರಿಯ ಪ್ರಾಥಮಿಕ ಹಂತ, ತರಗತಿ ೪,೫,೬,೭

ಧ್ವನಿ ಕಥೆ ಲಿಂಕ್:

https://idsp-dev.teacher-network.in/backend/sites/default/files/2024-07/Sittina%20Akku.mp3

ತರಗತಿ ಚಟುವಟಿಕೆ:

ಎಲ್ಲಾ ವಿದ್ಯಾರ್ಥಿಗಳು ಚಟುವಟಿಕೆಗಳಲ್ಲಿ ಭಾಗವಹಿಸಲು ಸಾಧ್ಯವಾಗುವಂತೆ ಮಾಡಲು ಕೆಲವು ಅಂಕಗಳು

1. ಮಕ್ಕಳು ಕೋಣೆಯಲ್ಲಿ ಎಲ್ಲಿ ಬೇಕಾದರೂ ಕುಳಿತುಕೊಳ್ಳಲಿ. 2. ಗದ್ದಲವನ್ನು ಕಡಿಮೆ ಮಾಡಲು ಬಾಗಿಲು ಮುಚ್ಚಿದ ನಿಶ್ಯಬ್ದ ಕೋಣೆಯಲ್ಲಿ ತರಗತಿಯನ್ನು ನಡೆಸಿ. 3. ಮಕ್ಕಳ ಜೀವನಕ್ಕೆ ಸಂಬಂಧಿಸಿದಂತೆ ಸಲಹೆಗಳಗಳು ಮತ್ತು ಜ್ಞಾಪನೆಗಳ/ನೆನಪಿಸುವ ಮೂಲಕ ಪ್ರೇರಣೆಯನ್ನು ನೀಡಿದರೆ ಅವರು ತಮ್ಮ ಆಲೋಚನೆಗಳು / ಸಲಹೆಗಳು/ ಕಲ್ಪನೆಗಳು / ಅಭಿಪ್ರಾಯಗಳನ್ನು ತರಗತಿಯ ಸಹಪಾಠಿಗಳ ಮುಂದೆ ಹಂಚಿಕೊಳ್ಳಲು ಯಾವುದೇ ಹಿಂಜರಿಕೆಯಿದ್ದರೆ ಕಡಿಮೆ ಮಾಡಬಹುದು 4. ಕಥೆಯನ್ನು ಬಹು ಭಾಷೆಗಳಲ್ಲಿ ವಿವರಿಸಿ ಮತ್ತು ವಿದ್ಯಾರ್ಥಿಗಳು ತಮ್ಮ ಸ್ನೇಹಿತರಿಗಾಗಿ ಭಾಷಾಂತರಿಸಲು ಪ್ರೋತ್ಸಾಹಿಸಿದರೆ ಬೇರೆ ಬೇರೆ ಮಾತೃ ಭಾಷೆಗಳನ್ನು ಮಾತನಾಡುವವವರು ಭಾಗವಹಿಸಲು ಸಾಧ್ಯವಾಗುತ್ತದೆ 5. ವಿದ್ಯಾರ್ಥಿಗಳನ್ನು ಸಣ್ಣ ಗುಂಪುಗಳಲ್ಲಿ ಕುಳಿತುಕೊಳ್ಳುವಂತೆ ಮಾಡಿ, ಕಥೆಯ ಆಧಾರದ ಮೇಲೆ ಚರ್ಚಿಸಲು ಮತ್ತು ಸಂಭಾಷಣೆ ನಡೆಸಲು ಅವಕಾಶ ಕಲ್ಪಿಸಿ.

ಈ ಕಥೆಯನ್ನು ನಿಮ್ಮ ತರಗತಿಗೆ ಕೊಂಡೊಯ್ಯುವ ಕೆಲವು ವಿಧಾನಗಳು ಇಲ್ಲಿವೆ:

ಪೂರ್ವ-ಆಲಿಸುವಿಕೆಯ ಚಟುವಟಿಕೆಗಳು

ಧ್ವನಿ ಕಥೆ ಕೇಳಿಸುವ ಮೊದಲು, ವಿದ್ಯಾರ್ಥಿಗಳ ಆಲಿಸುವ ಕೌಶಲ್ಯ ಬೆಳೆಸಲು ಮತ್ತು ಗಮನವನ್ನು ಸೆಳೆಯಲು ಈ/ಇದೇ ರೀತಿಯ ಚಟುವಟಿಕೆಗಳನ್ನು ವಿನ್ಯಾಸಗೊಳಿಸಿ ವಿದ್ಯಾರ್ಥಿಗಳನ್ನು ತೊಡಗಿಸಿಕೊಳ್ಳಿ.

• ಹಾಡು ಹೇಳಿ : ಬೇರೆ-ಬೇರೆ ಭಾವನೆಗಳನ್ನು ಬಳಸಿ "ನೀವು ಸಂತೋಷವಾಗಿದ್ದರೆ ಮತ್ತು ನಿಮಗೆ ತಿಳಿದಿದ್ದರೆ" ಹಾಡನ್ನು ಹಾಡಿ (ನೀವು ಸಂತೋಷವಾಗಿದ್ದರೆ ಮತ್ತು ನೀವು ಏನು ಮಾಡಬೇಕೆಂದು ನಿಮಗೆ ಗೊತ್ತಿದ್ದಾಗ, ನೀವು ದುಃಖದಲ್ಲಿದ್ದಾಗ ಮತ್ತು ಕೋಪದಲ್ಲಿದ್ದಾಗ ನೀವು ಏನು ಮಾಡಬೇಕೆಂದು ತಿಳಿದಾಗ, ಇತ್ಯಾದಿ) ಮತ್ತು ಜೊತೆಗೆ ಹಾಡಲು ವಿದ್ಯಾರ್ಥಿಗಳನ್ನು ಕೇಳಿ.
• ಕಥಾ ಸನ್ನಿವೇಶ/ಸಂದರ್ಭ ಹೊಂದಿಸಿ : ಕಥಾ ಸಂದರ್ಭವನ್ನು ವಿವರಿಸಿ (ತರಗತಿ, ಶಾಲೆಯ ಕಡೆ ನಡೆಯುವುದು, ಕೆಟ್ಟ ದಿನವನ್ನು ಕಳೆಯುವುದು) ಮತ್ತು ಅದನ್ನು ತಮ್ಮ ಮನಸ್ಸಿನಲ್ಲಿ ದೃಶ್ಯೀಕರಿಸಲು ತಿಳಿಸಿ, ಅವರ ಅಭಿವ್ಯಕ್ತಿಗಳು ಅಥವಾ ಭೌತಿಕ ಭಾಷೆಯ ಮೂಲಕ ಅವರು ಏನನ್ನು ಅನುಭವಿಸುತ್ತಿದ್ದಾರೆ ಎಂಬುದನ್ನು ವ್ಯಕ್ತಪಡಿಸಲು ವಿದ್ಯಾರ್ಥಿಗಳಿಗೆ ಹೇಳಿ.

ಪೂರ್ವ-ಆಲಿಸುವಿಕೆ ಚಟುವಟಿಕೆಯ ಹೆಚ್ಚಿನ ಸಲಹೆಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.

ಆಲಿಸುವ-ಸಮಯದ ಚಟುವಟಿಕೆಗಳು

ವಿದ್ಯಾರ್ಥಿಗಳು ಧ್ವನಿ ಕಥೆಯನ್ನು ಕೇಳುತ್ತಿದ್ದಾಗ, ಅವರನ್ನು ಈ ಸಂವಾದಾತ್ಮಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಿ,

1. ಪ್ರಮುಖ ಪದಗಳನ್ನು ಆಲಿಸುವುದು - ಇಟ್ಟಿಗೆ, ಕಾಗೆ, ಸೂರ್ಯಕಾಂತಿ ಮುಂತಾದ ಪ್ರಮುಖ ಪದಗಳ ಪಟ್ಟಿಯನ್ನು ವಿದ್ಯಾರ್ಥಿಗಳಿಗೆ ಒದಗಿಸಿ, ಅಥವಾ ಪ್ರಾಣಿಗಳು, ಆಹಾರ ಪದಾರ್ಥಗಳು, ಜನರು ಮುಂತಾದ ಕೆಲವು ನಿರ್ದಿಷ್ಟ ಗುಂಪಿಗೆ ಸೇರುವ ಪದಗಳನ್ನು ಉಲ್ಲೇಖಿಸಿ. ಉಲ್ಲೇಖಿಸದ ಪದಗಳು ಕಥೆಯಲ್ಲಿ ಯಾವ ಸಂದರ್ಭದಲ್ಲಿ ಬರುತ್ತವೆ ಎಂಬುದನ್ನು ವಿದ್ಯಾರ್ಥಿಗಳನ್ನು ಕೇಳಿ. ವಿದ್ಯಾರ್ಥಿಗಳು ಪ್ರತಿ ಪದವನ್ನು ಕೇಳಿದಾಗ ಕೈ ಎತ್ತಲು ಅಥವಾ ನಿರ್ದಿಷ್ಟ ಸನ್ನೆಗಳನ್ನು ಮಾಡಲು ಹೇಳಿ.
2. ಅನುಕ್ರಮ ಕ್ರಿಯೆಗಳು - ಕಥೆಯ ಪ್ರಮುಖ ಸಂದರ್ಭಗಳ ಚಿತ್ರ ಕಾರ್ಡ್ ಗಳನ್ನು ರಚಿಸಿ, ಅದನ್ನು ಗೊಂದಲಮಯವಾದ ಕ್ರಮದಲ್ಲಿ ನೀಡಿ, ಗುಂಪುಗಳಲ್ಲಿ, ವಿದ್ಯಾರ್ಥಿಗಳು ಕಥೆಯನ್ನು ಕೇಳುವಾಗ ಆ ಕಾರ್ಡ್‌ಗಳನ್ನು ಸರಿಯಾದ ಅನುಕ್ರಮದಲ್ಲಿ ಜೋಡಿಸಲು ತಿಳಿಸಿ. ಹಾಗೆಯೇ ಅನುಕ್ರಮ ಚಿತ್ರಗಳನ್ನು ಬಳಸಿಕೊಂಡು ಕೊನೆಯಲ್ಲಿ ಕಥೆಯನ್ನು ನಿರೂಪಿಸಲು ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿ.
3. ಕಥೆ ಆಲಿಸುವಿಕೆಗೆ ವಿರಾಮಗೊಳಿಸಿ ಚರ್ಚಿಸಿ
   1. ಅಕ್ಕು ಮಂಗಗಳನ್ನು ಓಡಿಸಿದ ನಂತರ ಕಥೆಯನ್ನು ನಿಲ್ಲಿಸಿ, ಅಕ್ಕುವಿನಂತೆ ಕೋಪ / ಕಿರಿಕಿರಿ ಯಾಗಿರುವುದು ಅಥವಾ ಯಾವಾಗ ಏನನ್ನೂ ಮಾಡಲು ಆಸಕ್ತಿ ಇಲ್ಲದಿರುವ ಕ್ಷಣವನ್ನು ಅನುಭವಿಸಿದ್ದೀರಾ ಎಂದು ವಿದ್ಯಾರ್ಥಿಗಳನ್ನು ಕೇಳಿ.
   2. ಶಾಲೆಯಲ್ಲಿ ಏನಾದರೂ ನಡೆಯಿತೇ/ಆಯಿತೇ ಎಂದು ಅಪ್ಪ ಕೇಳಿದಾಗ ಅಕ್ಕು "ಬಹುಶಃ" ಎಂದು ಹೇಳಿದ ನಂತರ ವಿರಾಮಗೊಳಿಸಿ, ಅಕ್ಕು ಕೋಪಗೊಳ್ಳಲು ಕಾರಣವೇನೆಂದು ಊಹಿಸಲು ವಿದ್ಯಾರ್ಥಿಗಳನ್ನು ಕೇಳಿ.

ಆಲಿಸುವ-ಸಮಯದ ಚಟುವಟಿಕೆಯ ಹೆಚ್ಚಿನ ಸಲಹೆಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.

ಆಲಿಸಿದ ನಂತರದ ಚಟುವಟಿಕೆಗಳು

ವಿದ್ಯಾರ್ಥಿಗಳು ಧ್ವನಿ ಕಥೆಯನ್ನು ಆಲಿಸಿದ ನಂತರ, ಅವರ ತಿಳುವಳಿಕೆಯನ್ನು ಬಲವರ್ಧಿಸಲು ಮತ್ತು ಈ ಚಟುವಟಿಕೆಗಳೊಂದಿಗೆ ಅವರ ಕಲಿಕೆಯನ್ನು ವಿಸ್ತರಿಸಿ,

1. ಕಥೆ ಮರು-ಹೇಳುವಿಕೆ : ತರಗತಿಯನ್ನು ಸಣ್ಣ ಗುಂಪುಗಳಾಗಿ ವಿಂಗಡಿಸಿ ಮತ್ತು ಪ್ರತಿ ಗುಂಪು ಕಥೆಯನ್ನು ಅವರದೇ ಮಾತುಗಳಲ್ಲಿ ಹೇಳುವಂತೆ ಮಾಡಿ. ವಿದ್ಯಾರ್ಥಿಗಳು ತಮ್ಮ ಆಲೋಚನೆಗಳನ್ನು ಸಂಯೋಜಿಸಲು ಸಹಾಯ ಮಾಡಲು ಸುಳಿವುಗಳು ಅಥವಾ ಕಥಾ ನಕ್ಷೆಗಳನ್ನು ಒದಗಿಸಿ
2. ಕಥೆಗೆ ಪರ್ಯಾಯ ಅಂತ್ಯಗಳು : ಕಥೆಗೆ ಪರ್ಯಾಯ ಅಂತ್ಯಗಳನ್ನು ರಚಿಸಲು ವಿದ್ಯಾರ್ಥಿಗಳನ್ನು ಆಹ್ವಾನಿಸಿ. ಇದಕ್ಕೆ ನೀವು ಆಸಕ್ತಿದಾಯಕ ಸುಳಿವುಗಳನ್ನು ಕೊಡಬಹುದು (ಮರುದಿನ ಅಕ್ಕು ದುಃಖಿತಳಾಗಿದ್ದರೆ? ಏನಾಗಬಹುದು). ವಿದ್ಯಾರ್ಥಿಗಳು ತಮ್ಮ ಪರ್ಯಾಯ ಅಂತ್ಯಗಳನ್ನು ತರಗತಿಯೊಂದಿಗೆ ಹಂಚಿಕೊಳ್ಳುತ್ತಾರೆ ಮತ್ತು ವಿಭಿನ್ನ ಅಂತ್ಯಗಳು ಕಥೆಯಲ್ಲಿನ ಸಂದೇಶ ಅಥವಾ ಕಥಾ ವಸ್ತುವನ್ನು ಹೇಗೆ ಬದಲಾಯಿಸುತ್ತವೆ ಎಂಬುದನ್ನು ಚರ್ಚಿಸಿ. ಹಿರಿಯ ವಿದ್ಯಾರ್ಥಿಗಳಿಗೆ, ಕಥೆಯಲ್ಲಿನ ಪಾತ್ರಗಳ ಕೆಲವು ಪ್ರತಿಕ್ರಿಯೆಗಳು ಅಥವಾ ನಡವಳಿಕೆಗಳ ಹಿಂದಿನ ಕಾರಣಗಳ ಬಗ್ಗೆ ಯೋಚಿಸಲು ನೀವು ಅವರನ್ನು ಪ್ರೋತ್ಸಾಹಿಸಬಹುದು.
3. ಕಥಾ-ಪ್ರೇರಿತ ಕಲೆ - ವಿದ್ಯಾರ್ಥಿಗಳಿಗೆ ಯಾವ ಸನ್ನಿವೇಶವು ಒಂದು ನಿರ್ದಿಷ್ಟ ಭಾವನೆಯನ್ನು ಉಂಟುಮಾಡುತ್ತದೆ ಎಂದು ಕೇಳಿ - ಅವರಿಗೆ ಯಾವುದು ಸಂತೋಷವನ್ನುಂಟುಮಾಡುತ್ತದೆಯೆಂದು ಕೇಳಿ. ಬೇರೆ-ಬೇರೆ ಭಾವನೆಗಳನ್ನು ಅನುಭವಿಸಿದಾಗ ಅವರು ಹೇಗೆ ಭಾವಿಸುತ್ತಾರೆ/ಆಲೋಚಿಸುತ್ತಾರೆ ಎಂಬುದನ್ನು ಪ್ರತಿನಿಧಿಸುವ ಚಿತ್ರ/ದೃಶ್ಯವನ್ನು ಚಿತ್ರಿಸಲು ವಿದ್ಯಾರ್ಥಿಗಳನ್ನು ಕೇಳಬಹುದು. ವಿದ್ಯಾರ್ಥಿಗಳು ತರಗತಿಯಲ್ಲಿ ಕಲಾಕೃತಿಯನ್ನು ಪ್ರದರ್ಶಿಸಿ ಅದನ್ನು ವಿವರಿಸಬಹುದು.

ಆಲಿಸಿದ ನಂತರದ ಚಟುವಟಿಕೆಯ ಹೆಚ್ಚಿನ ಸಲಹೆಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.

ಗಮನಿಸಿ: ಕೆಲವೊಮ್ಮೆ ಭಾವನೆಗಳು ಮತ್ತು ಭಾವನೆಗಳ ನಿರ್ವಹಣೆಗೆ ಸಂಬಂಧಿಸಿದಂತೆ ಚರ್ಚಿಸುವುದು ವಿದ್ಯಾರ್ಥಿಗಳಲ್ಲಿ ಕೆಲವು ನಕಾರಾತ್ಮಕ ಆಲೋಚನೆಗಳನ್ನು ಪ್ರಚೋದಿಸಬಹುದು. ವಿದ್ಯಾರ್ಥಿಗಳ ನಡುವೆ ನಡೆಯುತ್ತಿರುವ ಚರ್ಚೆಗಳ ಬಗ್ಗೆ ನೀವು ಜಾಗೃತರಾಗಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಿ. ಅತಿ ಮುಖ್ಯವಾಗಿ, ವಿದ್ಯಾರ್ಥಿಗಳು ತಮ್ಮ ಭಾವನೆಗಳನ್ನು ಆರೋಗ್ಯಕರ ರೀತಿಯಲ್ಲಿ ಹೇಗೆ ವ್ಯಕ್ತಪಡಿಸಬೇಕು ಎಂಬುದನ್ನು ಕಲಿಯಲು ಸಹಾಯ ಮಾಡಲು ಪ್ರಯತ್ನಗಳನ್ನು ಮಾಡಿ.

ಪಠ್ಯಪುಸ್ತಕಕ್ಕೆ ಸಂಪರ್ಕಿಸಹುದು :

<<ಭಾವನೆಗಳು ಮತ್ತು ಭಾವನೆಗಳ ನಿರ್ವಹಣೆಗೆ ಸಂಬಂಧಿಸಿದ ವಿಷಯಗಳ ಕುರಿತು ಪಠ್ಯಪುಸ್ತಕದ ಅಧ್ಯಾಯಗಳನ್ನು ಸೂಚಿಸಿ>>

ಹೆಚ್ಚುವರಿ ಸಂಪನ್ಮೂಲಗಳು :

ಇಂಗ್ಲೀಷ್ ನಲ್ಲಿ ಈ ಧ್ವನಿ ಕಥೆ/ಚಟುವಟಿಕೆ ಪುಟದ ಲಿಂಕ್ - Angry Akku - Audio Story Activity Page

ತರಗತಿಯಲ್ಲಿ ಚರ್ಚಿಸಲು ಹೆಚ್ಚಿನ ಪ್ರಶ್ನೆಗಳು:

1. ಕೋಪ ಬಂದಾಗ ಮಕ್ಕಳ ನಡವಳಿಕೆಯಲ್ಲಾಗುವ ಬದಲಾವಣೆಗಳು ಹಾಗೂ ಆ ಸಂಧರ್ಭದಲ್ಲಿನ ಅವರ ಅನುಭವಗಳ ಕುರಿತು ಚರ್ಚಿಸಬಹುದು.

2. ನಿಮಗೆ ಕೋಪ ಬಂದಾಗ ನಿಮ್ಮ ಪೋಷಕರು ನಿಮ್ಮನ್ನು ಹೇಗೆ ಹೇಗೆ ಸಂಭಾಳಿಸುತ್ತಾರೆ? ಹಾಗೆಯೇ ನಿಮ್ಮ ಪೋಷಕರಿಗೆ ಕೋಪ ಬಂದಾಗ ನೀವು ಏನು ಮಾಡುತ್ತೀರಿ?

3. ಕೋಪ ನಿರ್ವಹಣೆ ಮಾಡಲು ಮಕ್ಕಳಿಗೆ ತಿಳಿದಿರುವ ವಿಧಾನಗಳನ್ನು ಹಂಚಿಕೊಳ್ಳಲು ತಿಳಿಸುವುದು.

4. ಕೋಪವನ್ನು ನಿರ್ವಹಿಸುವುದು ಹೇಗೆ ಎಂಬ ತಂತ್ರಗಳನ್ನ ಶಿಕ್ಷಕರು ಮಕ್ಕಳಿಗೆ ತಿಳಿಸಿಕೊಡುವುದು.

5. ಅಕ್ಕು ತನ್ನ ಅಪ್ಪನೊಂದಿಗೆ ಮಾತನಾಡಿದ ನಂತರ ಅವಳ ಭಾವನೆಗಳು ಹೇಗೆ ಬದಲಾಗಿದ್ದವು?

6. ಕಥೆಯಲ್ಲಿನ ಪಾತ್ರಗಳಿಗೆ ತಕ್ಕಂತೆ ಭಾವಾಭಿನಯವನ್ನು ಮಾಡುವ ಚಟುವಟಿಕೆಯನ್ನು ನೀಡಬಹುದು.

7. ಅಪ್ಪ ಅಕ್ಕುವನ್ನು ಶಾಂತಗೊಳಿಸಲು ಮಾಡಿದ ಕ್ರಮಗಳ ಬಗ್ಗೆ ನಿಮ್ಮ ಅನಿಸಿಕೆಯೇನು ? ಇನ್ನೇನಾದರೂ ಪ್ರಯತ್ನ ಮಾಡಬಹುದಿತ್ತೆಂದು ನಿಮಗೆ ಅನಿಸುತ್ತದೆಯೆ?

8. ವಿವಿಧ ಭಾವನೆಗಳು ನಿಮ್ಮಲ್ಲಿ ಉಂಟಾಗುವ ಸನ್ನಿವೇಶಗಳನ್ನು ಪಟ್ಟಿಮಾಡಿ.

9. ಮಕ್ಕಳಿಗೆ ಕೆಲವು ಸನ್ನಿವೇಶಗಳನ್ನ ನೀಡಿ ಆ ಸನ್ನಿವೇಶದಲ್ಲಿ ಮಕ್ಕಳಲ್ಲಿ ಯಾವ ಭಾವನೆ ಮೂಡುತ್ತದೆ ಮತ್ತು ಯಾಕೆ ಎಂಬುದನ್ನ ಚರ್ಚಿಸುವುದು.