ಮಾರ್ಬಲ್ ಕಲಿಯಿರಿ

ಪರಿಚಯ

ಮಾರ್ಬಲ್ ಎನ್ನುವುದು ಭೂಮಿಯ ಬಗೆಗೆ ಕಲಿಯಲು ಬಳಸುವಂತಹ ಒಂದು ವರ್ಚುಯಲ್ ಭೂಪಟ, ಡೆಸ್ಕಟಾಪ್ ಭೂಪಟ ಮತ್ತು ಜಗತ್ತಿನ ಭೂಪಟವಾಗಿದೆ. ಇಲ್ಲಿ ನಕ್ಷೆಗಳನ್ನು ನಿಮಗೆ ಬೇಕಾದ ರೀತಿಯಲ್ಲಿ ತಿರುಗಿಸಿ ನೋಡಬಹುದು ಹಾಗು ಲೇಬಲ್ ಮೇಲೆ ಒತ್ತುವ ಮೂಲಕ ವಿಕಿಪೀಡಿಯಾ ತೆರೆಯಬಹುದು.

ಮೂಲ ಮಾಹಿತಿ

ಐ.ಸಿ.ಟಿ ಸಾಮರ್ಥ್ಯ	ಮಾರ್ಬಲ್ ಒಂದು ಸ್ವತಂತ್ರ ಮತ್ತು ಮುಕ್ತ ಶೈಕ್ಷಣಿಕ ತಂತ್ರಾಂಶವಾಗಿದ್ದು,ವಿಷಯ ಸಂಪನ್ಮೂಲ ರಚನೆಯ ಅನ್ವಯಕವಾಗಿದೆ (ಭೂಗೋಳ)
ಶೈಕ್ಷಣಿಕ ಅನ್ವಯಕ ಮತ್ತು ಔಚಿತ್ಯತೆ	ಮಾರ್ಬಲ್ ತಂತ್ರಾಂಶದ ಅನ್ವಯಕವನ್ನು ಬಳಕೆ ಮಾಡಿಕೊಂಡು ಅಕ್ಷಾಂಶಗಳ ಬಗ್ಗೆ ಪ್ರಾತಿಕ್ಷಿಕೆಯನ್ನು ಮಾಡಬಹುದು. ಸ್ಕ್ಲೇಲ್‌ನ ಪ್ರಮಾಣವನ್ನು ಹೆಚ್ಚು ಮಾಡುತ್ತಾ 'ಸಂಚರಣೆ ಸ್ಲೈಡರ್'ನ್ನು ನೋಡಬಹುದು, ನಾವು ನಕ್ಷೆ ಗಾತ್ರವನ್ನು ಹೆಚ್ಚಿಸಿ ಮತ್ತು ಅಕ್ಷಾಂಶಗಳು ಒಂದಕ್ಕೊಂದು ಪರಸ್ಪರ ಸಮಾಂತರವಾಗಿರುತ್ತವೆ ಎಂದು ನಿರೂಪಿಸಬಹುದು. ಭೂಮಿಯು ಪಶ್ಚಿಮದಿಂದ ಪೂರ್ವಕ್ಕೆ ತಿರುಗುತ್ತದೆ, ಭೂಮಿಯನ್ನು ಮೇಲಿನಿಂದ ಕೆಳಗಡೆ, ಕೆಳಗಿನಿಂದ ಮೇಲೆ ತಲೆಕೆಳಗಾಗಿ ಮಾಡಿ ತಳದಲ್ಲಿರುವ ಆರ್ಕ್ಟಿಕ್ ಸರ್ಕಲ್ ಗಳನ್ನು ತೋರಿಸಬಹುದು. ಇದು ಭೂಗೋಳಶಾಸ್ತ್ರ ಶಿಕ್ಷಕರಿಗೆ ಉಪಯುಕ್ತವಾಗುವಂತಹ ಪರಿಕರವಾಗಿದೆ. ಭೂಗೋಳದಲ್ಲಿನ ವಿವಿಧ ನಕ್ಷೆಗಳ ಪರಿಕಲ್ಪನೆಗಳನ್ನು ಮಾರ್ಬಲ್ ಮೂಲಕ ವಿವರಿಸಬಹುದಾಗಿದೆ.
ಆವೃತ್ತಿ	1.12.20
ಸಂರಚನೆ	ಈ ಅನ್ವಯಕವು ಉಬುಂಟು ಕಸ್ಟಂ ವಿತರಣೆಯ ಭಾಗವಾಗಿದ್ದು, ಯಾವುದೇ ಸಂರಚನೆಯ ಅಗತ್ಯತೆ ಇರುವುದಿಲ್ಲ.
ಇತರೇ ಸಮಾನ ಅನ್ವಯಕಗಳು	ಓಪನ್ ಸ್ಟ್ರೀಟ್ ಮ್ಯಾಪ್ ಗೂಗಲ್ ಅರ್ಥ್
ಮೊಬೈಲ್ ಮತ್ತು ಟ್ಯಾಬ್ಲೆಟ್‌ನಲ್ಲಿ ಈ ಅನ್ವಯಕ	ಮೊಬೈಲ್ ಗಳಲ್ಲಿ ಬಳಸಲು ಪ್ರಸ್ತುತ ಮಾರ್ಬಲ್‌ ಲಭ್ಯವಿರುವುದಿಲ್ಲ, ಆದರೆ ಇದೇ ರೀತಿಯ ಹಲವು ಅನ್ವಯಕಗಳು ಆಂಡ್ರಾಯಿಡ್‌ ಮೊಬೈಲ್‌ಗಳಿಗಾಗಿ ಲಭ್ಯವಿವೆ, ಅವುಗಳೆಂದರೆ, Google Earth, Terra Explorer
ಅಭಿವೃದ್ದಿ ಮತ್ತು ಸಮುದಾಯ ಸಹಾಯ	ಅಧಿಕೃತ ವೆಬ್‌ಪುಟ ಸಮುದಾಯ ಸಹಾಯ

ಲಕ್ಷಣಗಳ ಮೇಲ್ನೋಟ

ಮಾರ್ಬಲ್ ಒಂದು ವರ್ಚುಯಲ್ ಭೂಪಟವಾಗಿದೆ, ಇದು ಭೂಮಿಯ ಹಲವು ವಿದ್ಯುನ್ಮಾನ ಭೂಪಟಗಳನ್ನು ಹೊಂದಿದೆ. ಇದು ಭೂಮಿಯ ತಾಪಮಾನ , ವಾತಾವರಣ, ಮಳೆಪ್ರಮಾಣ, ಮುಂತಾದವುಗಳನ್ನೊಳಗೊಂಡ ಭೌತಿಕ ಭೂಗೋಳದ ಮಾಹಿತಿಯನ್ನು ಒದಗಿಸುತ್ತದೆ. ಇದು ಐತಿಹಾಸಿಕ ನಕ್ಷೆಗಳನ್ನು ಸಹ ಹೊಂದಿದ್ದು, ಆ ಕಾಲದ ರಾಜಕೀಯ ಪದ್ದತಿಗಳಿಗೆ ಸಂಬಂಧಿಸಿದ ವಿವಿಧ ಕಾಲದಲ್ಲಿನ ಭೂಮಿಯ ಮಾಹಿತಿಯನ್ನು ನೀಡುತ್ತದೆ.

ಅನುಸ್ಥಾಪನೆ

1. ಈ ಅನ್ವಯಕವು ಉಬುಂಟು ಕಸ್ಟಂ ವಿತರಣೆಯ ಭಾಗವಾಗಿರುತ್ತದೆ.
2. ಒಂದುವೇಳೆ ನಿಮ್ಮ ಕಂಪ್ಯೂಟರ್‌ನಲ್ಲಿ ಈ ಅನ್ವಯವನ್ನು ಹೊಂದಿರದಿದ್ದಲ್ಲಿ. ಉಬುಂಟು ಸಾಪ್ಟ್‌ವೇರ್ ಸೆಂಟರ್‌ನಲ್ಲಿ “ Marble ” ಎಂದು ನಮೂದಿಸಿ ಹುಡುಕಿ ಅನುಸ್ಥಾಪನೆ ಮಾಡಿಕೊಳ್ಳಬಹುದು.
3. ಅಥವಾ ಟರ್ಮಿನಲ್ ಮೂಲಕ ಅನುಸ್ಥಾಪನೆ ಮಾಡಿಕೊಳ್ಳಬೇಕಾದಲ್ಲಿ ಈ ಕೆಳಗಿನ ವಿಧಾನವನ್ನು ಅನುಸರಿಸಿ.
   1. Application > System Tools > ಮೂಲಕ ಟರ್ಮಿನಲ್ಲ ತೆರೆಯಬಹುದು ಅಥವಾ ಕೀಲಿಮಣೆಯಲ್ಲಿ Ctrl+Alt+T ಒತ್ತುವ ಮೂಲಕವೂ ತೆರೆಯಬಹುದು.
   2. ಟರ್ಮಿನಲ್ ಪುಟ ತೆರೆದ ನಂತರ ಡಾಲರ್ ಚಿಹ್ನೆಯ ನಂತರ ($) ಈ ಕೆಳಗಿನ ಕಮಾಂಡ್ ನಮೂದಿಸಿ
   3. sudo apt-get install marble

ಅನ್ವಯಕ ಬಳಕೆ

ಮಾರ್ಬಲ್ ಮೂಲಕ ಭೂಪಟ ಬಳಸುವುದು

• ಮಾರ್ಬಲ್ ಮೂಲಕ ಭೂಪಟ ಬಳಸುವುದು
• 

  ಮಾರ್ಬಲ್ ಮುಖಪುಟ

• 

  ಮಾರ್ಬಲ್ ವೀಕ್ಷಣೆ

1. Applications → Education → Marble ಮೂಲಕ ಇದನ್ನು ತೆರೆಯಬಹುದಾಗಿದೆ. ನಿಮ್ಮ ಪರದೆಯ ಎಡಭಾಗದಲ್ಲಿನ “Map View” ಎಂಬಲ್ಲಿ ಕ್ಲಿಕ್ ಮಾಡುವ ಮೂಲಕ ಯಾವ ರೀತಿಯ ನಕ್ಷೆಯನ್ನು ನೀವು ನೊಡಲು ಬಯಸುತ್ತೀರಿ ಎಂಬುದನ್ನು ಆಯ್ಕೆ ಮಾಡಿಕೊಳ್ಳಬಹುದು. "Map View" ಆಯ್ಕೆ ಕಾಣದಿದ್ದಲ್ಲಿ ಮೆನುಬಾರ್‌ನ 'Settings -> Panels -> Map View ನ್ನು ಆಯ್ಕೆ ಮಾಡಿಕೊಳ್ಳಬೇಕು.
2. "projection" ಎಂಬ ತಲೆಬರಹದಡಿಯಲ್ಲಿ ಕ್ಲಿಕ್ ಮಾಡಿ ನಕ್ಷೆಯ ವಿಧಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು. ಇದಾದ ನಂತರ " Celestial Body” ಎಂಬಲ್ಲಿ ಕ್ಲಿಕ್ ಮಾಡಿ ನಕ್ಷೆಯ ನೋಟವನ್ನು ಆಯ್ಕೆ ಮಾಡಿಕೊಳ್ಳಬೇಕು. ಇಲ್ಲಿ " Moon or Earth ಎಂಬ ಆಯ್ಕೆ ಕಳಿಸುತ್ತವೆ.

ನಕ್ಷೆ ತೆರೆಯುವುದು ಮತ್ತು ಅಧ್ಯಯನ ಮಾಡುವುದು

• ನಕ್ಷೆ ತೆರೆಯುವುದು ಮತ್ತು ಅಧ್ಯಯನ ಮಾಡುವುದು
• 

  ವಿಭಿನ್ನ ನಕ್ಷೆಗಳು

• 

  ತಾಪಮಾನ ನಕ್ಷೆ

1. ಪರದೆಯ ಎಡಭಾಗದಲ್ಲಿ ಹಲವು ಮಾದರಿಯ ನಕ್ಷೆಗಳ ಪಟ್ಟಿಯನ್ನು ಕಾಣುವಿರಿ. ಇಲ್ಲಿ ಯಾವುದನ್ನು ಆಯ್ಕೆ ಮಾಡುವಿರೋ ಅದರ ಸಂಪೂರ್ಣ ನಕ್ಷೆ ನಿಮಗೆ ಪರದೆಯ ಮೇಲೆ ಮೂಡುತ್ತದೆ. ಮೌಸ್ ಕರ್ಸರ್ ಮೂಲಕ ನಕ್ಷೆಯನ್ನು ನಿಮಗೆ ಬೇಕಾದ ರೀತಿ ಮೇಲೆ ಕೆಳಗೆ ಹಾಗು ಎಡ ಬಲಕ್ಕೆ ಚಲಿಸಬಹುದು. ನಿಮ್ಮ ಆಯ್ಕೆ ಜಾಗದಲ್ಲಿ ಕ್ಲಿಕ್ ಮಾಡುವ ಮೂಲಕ ಆ ಜಾಗದ ವಿವರವನ್ನು ಸಮೀಪಿಕರಿಸಿ (ಜೂಮ್‌) ಮಾಡಿ ನೋಡಬಹುದು. ಅದೇ ರೀತಿ ನಕ್ಷೆಯಲ್ಲಿರುವ ಸ್ಕೇಲ್‌ಬಾರ್‌ನ್ನು ಬಳಸುವ ಮೂಲಕವೂ ನಕ್ಷೆಯನ್ನು ಚಲಿಸಬಹುದು.
2. ಉದಾಹರಣೆಗೆ : “Temperature July” ಮೇಲೆ ಕ್ಲಿಕ್ ಮಾಡಿದರೆ, ಈ ಮೇಲಿನ ನಕ್ಷೆ ಮೂಡುತ್ತದೆ.

ಈ ನಕ್ಷೆಯ ಮೂಲಕ ಜುಲೈ ತಿಂಗಳಿನಲ್ಲಿ ವಿವಿಧ ಪ್ರದೇಶಗಳಲ್ಲಿನ ತಾಪಮಾನದ ಪ್ರಮಾಣವನ್ನು ಕಾಣಬಹುದು. ಬಣ್ಣದ ಮೂಲಕ ತಾಪಮಾನದ ಪ್ರಮಾಣವನ್ನು ಸೂಚಿಸಲಾಗಿರುತ್ತದೆ. ಇದೇ ರೀತಿ ಪಟ್ಟಿಯಲ್ಲಿರುವ ಪ್ರತಿಯೊಂದು ನಕ್ಷೆಯನ್ನು ಸಹ ಪರೀಕ್ಷಿಸಬಹುದು.

ಕಡತ ಉಳಿಸಿಕೊಳ್ಳುವುದು ಮತ್ತು ನಮೂನೆಗಳು

ನೀವು ರಚಿಸಬಹುದಾದಂತಹ ಹಾಗು ಉಳಿಸಬಹುದಾದಂತಹ ಯಾವುದೇ ಕಡತ ನಮೂನೆಯನ್ನು ಮಾರ್ಬಲ್ ತಾನಾಗೇ ಹೊಂದಿರುವುದಿಲ್ಲ. ನೀವು ನೋಡುತ್ತಿರುವ ನಕ್ಷೆಗಳನ್ನು ಸ್ಕ್ರೀನ್‌ಶಾಟ್‌ ಮೂಲಕ ಚಿತ್ರಗಳಾಗಿ ತೆಗೆದುಕೊಳ್ಳಬಹುದು ಹಾಗು ನೋಡುತ್ತಿರುವ ನಕ್ಷೆಗಳನ್ನು ಚಿತ್ರಗಳಾಗಿ ಎಕ್ಸ್‌ಪೋರ್ಟ್‌ ಮಾಡಬಹುದು. ಇದಕ್ಕಾಗಿ ಮೆನುಬಾರ್ ನಲ್ಲಿನ File > Export Map ನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಉನ್ನತೀಕರಿಸಿದ ಲಕ್ಷಣಗಳು

ಮಾರ್ಬಲ್‌ನಲ್ಲಿ ಸ್ಥಳಗಳನ್ನು ಹುಡುಕಬಹುದು. ನಕ್ಷೆಯಲ್ಲಿನ ಭೌಗೋಳಿಕ ಲಕ್ಷಣಗಳನ್ನು ನೀವು ಸಂರಚಿಸಬಹುದು.ಅದೇ ರೀತಿ ನಕ್ಷೆಗಳಲ್ಲಿನ ಕೆಲವು ಸಂರಚನೆಗಳನ್ನು ತೆಗೆಯಬಹುದು.

ಸಂಪನ್ಮೂಲ ರಚನೆಯ ಆಲೋಚನೆಗಳು

ಭೂಗೋಳದ ಆಯ್ದ ವಿಷಯಗಳಿಗೆ ಮಾಹಿತಿಯನ್ನು ರಚಿಸಲು ಈ ಅನ್ವಯಕವನ್ನು ಬಳಸಬಹುದು. ವಿದ್ಯಾರ್ಥಿಗಳು ವಿವಿಧ ವಿಷಯಗಳಿಗಾಗಿ ನಕ್ಷೆಯನ್ನು ಅನ್ವೇಷಿಸಬಹುದು.

1. ಭಾರತದಲ್ಲಿ ಜುಲೈ ಮತ್ತು ಡಿಸೆಂಬರ್ ತಿಂಗಳಿನ ಮಳೆ ಪ್ರಮಾಣ (ಈಶಾನ್ಯ ಮತ್ತು ವಾಯುವ್ಯ ಮಾರುತಗಳಿಗೆ ಹೊಂದಿಕೊಂಡಂತೆ), ಮಳೆ ಪ್ರದೇಶಗಳು ಮಾಹಿತಿಯ ಮೂಲಕ ವಿವಿಧ ಮಾದರಿ ಮಳೆಯ ನಡುವಿನ ವ್ಯತ್ಯಾಸಗಳಿಗೆ ಕಾರಣಗಳನ್ನು ಹುಡುಕಬಹುದು.
2. ಅಕ್ಷಾಂಶಗಳು ಮತ್ತು ರೇಖಾಂಶಗಳು, ಇವುಗಳ ಪಾತ್ರ ಮತ್ತು ಇವುಗಳ ನಡುವಿನ ವ್ಯತ್ಯಾಸಗಳನ್ನು ತಿಳಿಯಬಹುದು.

ಆಕರಗಳು

ವಿಕಿಪೀಡಿಯಾ