ಆಲಿಸುವ ಸಮಯದ ಚಟುವಟಿಕೆಗಳು

ಆಲಿಸುವ ಸಮಯದ ಚಟುವಟಿಕೆಗಳೆಂದರೆ ಯಾವುವು?

ಆಲಿಸುವಾಗಿನ ಚಟುವಟಿಕೆಗಳೆಂದರೆ ವಿದ್ಯಾರ್ಥಿಗಳು ಕಥೆಯನ್ನು ಕೇಳುತ್ತಿರುವಾಗ ನಿರ್ವಹಿಸುವ ಕಾರ್ಯಗಳು. ಈ ಚಟುವಟಿಕೆಗಳು ವಿದ್ಯಾರ್ಥಿಗಳನ್ನು ಏಕಾಗ್ರತೆಯಿಂದಿರಲು, ನೈಜ ಸಮಯದಲ್ಲಿ ಮಾಹಿತಿಯನ್ನು ಪ್ರಕ್ರಿಯೆಗೊಳಿಸಲು ಮತ್ತು ಅವರ ಗ್ರಹಿಕೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಅಲ್ಲದೇ ಸಕ್ರಿಯ ತೊಡಗಿಸಿಕೊಳ್ಳುವಿಕೆಯನ್ನು ಪ್ರೋತ್ಸಾಹಿಸುತ್ತದೆ ಮತ್ತು ವಿದ್ಯಾರ್ಥಿಗಳು ಪ್ರಮುಖ ಆಲಿಸುವ ಕೌಶಲ್ಯಗಳನ್ನು ಅಭ್ಯಾಸ ಮಾಡಲು ಸಹಾಯ ಮಾಡುತ್ತದೆ.

ಆಲಿಸುವ ಚಟುವಟಿಕೆಗಳನ್ನು ಏಕೆ ಬಳಸಬೇಕು?

ಭಾಷಾ ತರಗತಿಯಲ್ಲಿ ಆಲಿಸುವಾಗಿನ ಚಟುವಟಿಕೆಗಳು ವಿಶೇಷವಾಗಿ ಪ್ರಯೋಜನಕಾರಿಯಾಗಬಹುದು. ಈ ಚಟುವಟಿಕೆಗಳ ಕೆಲವು ಪ್ರಮುಖ ಪ್ರಯೋಜನಗಳೆಂದರೆ:

1. ಗಮನವನ್ನು ಕೇಂದ್ರೀಕರಿಸುತ್ತದೆ: ಆಲಿಸುವ ಕಾರ್ಯದ ಉದ್ದಕ್ಕೂ ವಿದ್ಯಾರ್ಥಿಗಳನ್ನು ತೊಡಗಿಸಿಕೊಂಡಿರುತ್ತದೆ ಮತ್ತು ಗಮನವಿರಿಸುವಂತೆ ಮಾಡುತ್ತದೆ.

   2. ತಿಳುವಳಿಕೆಯನ್ನ ಪರಿಶೀಲಿಸಲು ಸಹಾಯ: ವಿದ್ಯಾರ್ಥಿಗಳ ಗ್ರಹಿಕೆಯನ್ನು ಮೇಲ್ವಿಚಾರಣೆ ಮಾಡಲು ಮತ್ತು ತಕ್ಷಣವೇ ಪ್ರತಿಕ್ರಿಯೆಯನ್ನು ನೀಡಲು ಶಿಕ್ಷಕರಿಗೆ ಅನುವು ಮಾಡಿಕೊಡುತ್ತದೆ.

   3. ಸಕ್ರಿಯ ಆಲಿಸುವಿಕೆಯನ್ನು ಪ್ರೋತ್ಸಾಹಿಸತ್ತದೆ: ವಿದ್ಯಾರ್ಥಿಗಳನ್ನು ಮುಖ್ಯ ವಿಚಾರಗಳ ಮೇಲೆ ಸಕ್ರಿಯವಾಗಿ ಗಮನ ಕೇಂದ್ರೀಕರಿಸಲು ಸಹಾಯ ಮಾಡುತ್ತದೆ.

   4. ವಿಮರ್ಶಾತ್ಮಕ ಚಿಂತನೆಯನ್ನು ಉತ್ತೇಜಿಸುತ್ತದೆ: ವಿದ್ಯಾರ್ಥಿಗಳು ತೀರ್ಮಾನಿಸಲು, ಊಹಿಸಲು ಮತ್ತು ಆಲಿಸುವಿಕೆಗೆ ಸಂಪರ್ಕ ಕಲ್ಪಿಸಲು ಪ್ರೋತ್ಸಾಹಿಸುತ್ತದೆ.

   5. ವೈವಿಧ್ಯಮಯ ಕಲಿಕಾ ಶೈಲಿಗಳನ್ನು ಬೆಂಬಲಿಸುತ್ತದೆ: ಆಲಿಸುವ ಸಮಯದಲ್ಲಿ ವಿವಿಧ ರೀತಿಯ ಚಟುವಟಿಕೆಗಳನ್ನು ಸಂಯೋಜಿಸುವುದು ವಿಭಿನ್ನ ಕಲಿಕೆಗೆ ಆದ್ಯತೆಯನ್ನು ನೀಡುತ್ತದೆ.

ಆಲಿಸುವಾಗಿನ ಚಟುವಟಿಕೆಗಳಿಗೆ ಉದಾಹರಣೆಗಳು

ಕೆಳಗಿನ ಚಟುವಟಿಕೆಗಳನ್ನು ವಿವಿಧ ಪ್ರಾವೀಣ್ಯತೆ ಮಟ್ಟಗಳು ಮತ್ತು ತರಗತಿಯ ಸಂದರ್ಭಗಳಿಗೆ ಸರಿಹೊಂದುವಂತೆ ಅಳವಡಿಸಿಕೊಳ್ಳಬಹುದು. ವಿದ್ಯಾರ್ಥಿಗಳು ಹೆಚ್ಚು ಆರಾಮದಾಯಕವಾಗುವಂತೆ ಸರಳವಾದ ಕಾರ್ಯಗಳೊಂದಿಗೆ ಪ್ರಾರಂಭಿಸಿ ಮತ್ತು ಕ್ರಮೇಣ ಸಂಕೀರ್ಣತೆಯನ್ನು ಹೆಚ್ಚಿಸುವುದು.

ಕ್ರ.ಸಂ	ಚಟುವಟಿಕೆ ಹೆಸರು	ಚಟುವಟಿಕೆ ವಿವರಣೆ	ಮಾದರಿ
1	ತಿಳುವಳಿಕೆ ಪ್ರಶ್ನೆಗಳು	ವಿದ್ಯಾರ್ಥಿಗಳ ತಿಳುವಳಿಕೆಯನ್ನು ಪರಿಶೀಲಿಸಲು ಕಥೆಯ ವಿರಾಮದ ಸಮಯದಲ್ಲಿ ಪ್ರಶ್ನೆಗಳನ್ನು ಕೇಳಿ.	ಉದಾ: ವಿರಾಮಗೊಳಿಸಿ ಮತ್ತು ಕೇಳಿ - "ಏನಾಯಿತು? ಪಾತ್ರವು ಅದನ್ನು ಏಕೆ ಮಾಡುತ್ತದೆ ಎಂದು ನೀವು ಯೋಚಿಸುತ್ತೀರಿ?"
2	ಊಹಿಸುವುದು	ಕಥೆಯ ಪ್ರಮುಖ ಅಂಶಗಳಲ್ಲಿ ಮುಂದೆ ಏನಾಗುತ್ತದೆ ಎಂದು ವಿದ್ಯಾರ್ಥಿಗಳು ಊಹಿಸಲು ತಿಳಿಸುವುದು.	ಉದಾ: ವಿರಾಮಗೊಳಿಸಿ ಮತ್ತು "ಮುಂದೆ ಏನಾಗುತ್ತದೆ ಎಂದು ನೀವು ಯೋಚಿಸುತ್ತೀರಿ?"
3	ಗ್ರಾಫಿಕ್ ಹೊಂದಿಸುವುದು	ಕಥೆಯ ಮಾಹಿತಿಯನ್ನು ಆಧರಿಸಿ ವಿದ್ಯಾರ್ಥಿಗಳು ಚಾರ್ಟ್‌ಗಳು, ನಕ್ಷೆಗಳು ಅಥವಾ ರೇಖಾಚಿತ್ರಗಳನ್ನು ಭರ್ತಿ ಮಾಡಲು ತಿಳಿಸುವುದು.	ಉದಾ: ವಿದ್ಯಾರ್ಥಿಗಳು ಕಥೆ ಆಲಿಸುವಾಗ ಶೀರ್ಷಿಕೆ, ಪಾತ್ರಗಳು, ಸ್ಥಳ ಮತ್ತು ಕಥಾ ವಸ್ತುವಿನ ಅಂಶಗಳನ್ನು ಗಮನಿಸಲು "ಕಥೆಯ ಅಂಶಗಳ' ಫ್ಲೋಚಾರ್ಟ್‌ನಲ್ಲಿ, ಕರಪತ್ರವನ್ನು ನೀಡಬಹುದು.
4	ಚಿತ್ರ	ವಿದ್ಯಾರ್ಥಿಗಳು ಆಲಿಸುವಾಗ ಕಲ್ಪಿಸಿಕೊಳ್ಳುವ ದೃಶ್ಯಗಳನ್ನು ಚಿತ್ರವನ್ನು ಬಿಡಿಸುವುದು. ಇದಕ್ಕಾಗಿ ಆಡಿಯೋ ಸ್ಟೋರಿಯನ್ನು ಹಲವಾರು ಬಾರಿ ಪ್ಲೇ ಮಾಡಬಹುದು.	ಉದಾ: ವಿವರಣೆಯ ಆಧಾರದ ಮೇಲೆ ಮುಖ್ಯ ಪಾತ್ರದ ಚಿತ್ರವನ್ನು ಬರೆಯಲು ವಿದ್ಯಾರ್ಥಿಗಳಿಗೆ ತಿಳಿಸುವುದು.
5	ಸಹಪಾಠಿ ಚರ್ಚೆ	ವಿದ್ಯಾರ್ಥಿಗಳು ವಿರಾಮದ ಸಮಯದಲ್ಲಿ ತನ್ನ ಸಹಪಾಠಿಯೊಂದಿಗೆ ಅವರು ಕೇಳಿದ್ದನ್ನು ಚರ್ಚಿಸುತ್ತಾರೆ. ಚರ್ಚಿಸಿದ್ದನ್ನು ಭರ್ತಿ ಮಾಡಲು ಕರಪತ್ರವನ್ನು ನೀಡಬಹುದು.	ಉದಾ: ಕಥೆಯನ್ನು ವಿರಾಮಗೊಳಿಸಿ ವಿದ್ಯಾರ್ಥಿಗಳು ತಾವು ಕೇಳಿದ್ದನ್ನು ಸಹಪಾಠಿ ಕಡೆಗೆ ತಿರುಗಿ ಸಂಕ್ಷಿಪ್ತವಾಗಿ ಚರ್ಚಿಸಲು ತಿಳಿಸುವುದು.