ಅವನಿ ಮತ್ತು ಬಟಾಣಿ ಗಿಡ - ಧ್ವನಿ ಕಥೆಯ ಚಟುವಟಿಕೆ ಪುಟ
Jump to navigation
Jump to search
ಈ ಚಟುವಟಿಕೆಯ ಪುಟವು ಡಿಜಿಟಲ್ ಆಡಿಯೊ ಕಥೆಗಳ ಶಕ್ತಿಯನ್ನು ಶಿಕ್ಷಣ ಸಾಧನವಾಗಿ ಬಳಸಿಕೊಳ್ಳುವ ಮೂಲಕ ವಿದ್ಯಾರ್ಥಿಗಳ ಭಾಷಾ ಕಲಿಕೆಯ ಅನುಭವಗಳನ್ನು ಉತ್ಕೃಷ್ಟಗೊಳಿಸುವ ಪ್ರಯತ್ನದ ಭಾಗವಾಗಿದೆ. ಹೆಚ್ಚಿನದನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ.
ಪೀಠಿಕೆ:
ಈ ಕೆಲಸ ಮಾಡಿದ್ದು ಯಾರು? ಅವನಿ ಮತ್ತು ಅವಳ ತಾಯಿಗೆ ಗೊತ್ತಿಲ್ಲ. ಬಟಾಣಿ ಗಿಡದ ಕಥೆಯನ್ನು ಓದಿದಾಗ ಈ ಕೆಲಸ ಮಾಡಿದ್ದು ಯಾರೆಂದು ನಿಮಗೆ ತಿಳಿಯುತ್ತದೆ.
ಉದ್ದೇಶಗಳು :
ಈ ಕಥೆಯ ಮೂಲಕ ಮಕ್ಕಳಿಗೆ ಕಾಳು ಗಿಡವಾಗುವ ಪ್ರಕ್ರಿಯೆ, ಗಿಡದ ಬೆಳವಣಿಗೆ ಹಾಗೂ ಅದರ ಬೆಳವಣಿಗೆಗೆ ಅವಶ್ಯಕವಿರುವ ಅಂಶಗಳನ್ನು ಮಕ್ಕಳಿಗೆ ತಿಳಿಸಿಕೊಡಬಹುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿ ಚಟುವಟಿಕೆಗಳು.
ಕಥಾ ವಸ್ತು :ವಿಜ್ಞಾನ,ಪರಿಸರ ಮತ್ತು ವಾತಾವರಣ,ಶಬ್ದಕೋಶ
ಗುರುತು ಪಟ್ಟಿ : ಹಿರಿಯ ಪ್ರಾಥಮಿಕ ಹಂತ, ತರಗತಿ ೪,೫,೬,೭
ಧ್ವನಿ ಕಥೆ ಲಿಂಕ್:
ತರಗತಿ ಚಟುವಟಿಕೆ:
| ಎಲ್ಲಾ ವಿದ್ಯಾರ್ಥಿಗಳು ಚಟುವಟಿಕೆಗಳಲ್ಲಿ ಭಾಗವಹಿಸಲು ಸಾಧ್ಯವಾಗುವಂತೆ ಮಾಡಲು ಕೆಲವು ಅಂಶಗಳು |
|---|
|
ಸಂಪೂರ್ಣ ದೈಹಿಕ ಚಟುವಟಿಕೆ
- ಕಲ್ಲು, ಪೆನ್ನು, ಪೇಪರ್ ಚಟುವಟಿಕೆ.
ಆಲಿಸುವ ಪೂರ್ವದ ಚಟುವಟಿಕೆ
- ಮಕ್ಕಳಿಗೆ ವಿವಿಧ ಧಾನ್ಯಗಳ ಹೆಸರುಗಳನ್ನು ಇಟ್ಟು ಏಕದಳ ಮತ್ತು ದ್ವಿದಳ ಧಾನ್ಯಗಳ ಅರ್ಥವನ್ನು ಆಟದ ಮೂಲಕ ಪರಿಚಯ ಮಾಡಿಸುವುದು - ಒಂದು ವೃತ್ತ ಹಾಕಿ ಶಿಕ್ಷಕರು ಏಕದಳ ಎಂದಾಗ ಏಕದಳದ ಹೆಸರಿನ ಮಕ್ಕಳು ವೃತ್ತದಲ್ಲಿ ದ್ವಿದಳ ಎಂದಾಗ ದ್ವಿದಳದ ಹೆಸರಿನ ಮಕ್ಕಳು ವೃತ್ತದೊಳಕ್ಕೆ ಎಗರುವುದು.
- ನೀವು ಯಾವೆಲ್ಲಾ ಬೆಳಗಿನ ಉಪಹಾರವನ್ನು ತಿಂದಿದ್ದೀರಿ?
- ನೀವು ತಿಂದಿರುವ ತಿಂಡಿಯಲ್ಲಿ ಯಾವೆಲ್ಲಾ ತರಕಾರಿಗಳನ್ನು ಬಳಸುವಿರಿ?
ಆಲಿಸುವ ಸಮಯದ ಚಟುವಟಿಕೆ
- ಅಡುಗೆ ಮಾಡಲು ಹೇಗೆ ಸಿದ್ದತೆ ಅಥವಾ ತಯಾರಿ ಮಾಡಿಕೊಳ್ಳುತ್ತಾರೆ.
- ಮನೆಯಲ್ಲಿ ಯಾವೆಲ್ಲಾ ಪ್ರಾಣಿಗಳನ್ನು ಸಾಕುತ್ತಾರೆ?
- ಮಣ್ಣಿನಲ್ಲಿ ಎರೆಹುಳು ಇರುವುದರಿಂದ ಆಗುವ ಪ್ರಯೋಜನಗಳೇನು?
- ಮಳೆ ಬಾರದೇ ಇದ್ದರೆ ಏನಾಗುತ್ತದೆ?
ಆಲಿಸಿದ ನಂತರದ ಚಟುವಟಿಕೆಗಳು
- ಸಸ್ಯ ಬೆಳೆಯಲು ಅವಶ್ಯಕವಿರುವ ಅಂಶಗಳಾವುವು?
- ಮಳೆನೀರು ಕೊಯ್ಲಿನ ಅನುಕೂಲಗಳೇನು?
- ಎರೆಹುಳುವನ್ನು ರೈತನ ಮಿತ್ರನೆನ್ನಲು ಕಾರಣವೇನು?
- ಈ ಕಥೆಯಲ್ಲಿ ಬಂದ ಪಾತ್ರಗಳಾವುವು?
- ಎರೆಹುಳುವಿನ ಗೊಬ್ಬರವನ್ನು ತಯಾರಿಸಲು ಪ್ರಯತ್ನಿಸುವ ಚಟುವಟಿಕೆ ನೀಡುವುದು.