ಜ್ಯಾದಿಂದ ರೂಪುಗೊಂಡಿರುವ ವೃತ್ತದಲ್ಲಿನ ಕೋನಗಳು

ಜ್ಯಾ ದ ಕೊನೆಯ ಬಿಂದುಗಳಲ್ಲಿ ತ್ರಿಜ್ಯದಿಂದ ವೃತ್ತದ ಕೇಂದ್ರದಲ್ಲಿ ಉಂಟಾದ ಕೋನವನ್ನು ಕೇಂದ್ರ ಕೋನ ಅಥವಾ ಜ್ಯಾದಿಂದ ರೂಪುಗೊಂಡಿರುವ ವೃತ್ತದಲ್ಲಿನ ಕೋನಗಳು ಎಂದು ಕರೆಯಲಾಗುತ್ತದೆ.

ಕಲಿಕೆಯ ಉದ್ದೇಶಗಳು :

ವೃತ್ತದಲ್ಲಿನ ಜ್ಯಾದಿಂದ ಉಂಟಾಗಿರುವ ವಿವಿಧ ಕೋನಗಳನ್ನು ಅರ್ಥಮಾಡಿಕೊಳ್ಳಿವುದು.

ಅಂದಾಜು ಸಮಯ:

30 ನಿಮಿಷಗಳು

ಬೇಕಾಗುವ ಪದಾರ್ಥಗಳು ಅಥವ ಸಂಪನ್ಮೂಲಗಳು:

ಡಿಜಿಟಲ್: ಕಂಪ್ಯೂಟರ್, ಜಿಯೋಜಿಬ್ರಾ ಅಪ್ಲಿಕೇಶನ್, ಪ್ರೊಜೆಕ್ಟರ್.

ಡಿಜಿಟಲ್ ಅಲ್ಲದ: ಕಾರ್ಯಪ್ರತಿ(ವರ್ಕ್‌ಶೀಟ್) ಮತ್ತು ಪೆನ್ಸಿಲ್, ಕೈವಾರ, ದಾರ/ತಂತಿಗಳು

ಪೂರ್ವಾಪೇಕ್ಷಿತ/ ಸೂಚನೆಗಳು , ಇದ್ದರೆ :

ಬಿಂದುಗಳು, ರೇಖೆಗಳು, ಕೋನಗಳು, ಬಹುಭುಜಾಕೃತಿಗಳ ಪೂರ್ವ ಜ್ಞಾನ

ವಿಧಾನ/ಬೆಳವಣಿಗೆಯ ಪ್ರಶ್ನೆಗಳು

• ಎರಡು ಸಮಾನ ಜ್ಯಾಗಳನ್ನು ಎಳೆಯಲಾಗಿದೆ, ತ್ರಿಭುಜಗಳನ್ನು ರೂಪಿಸಲು ಅಂತ್ಯದ ಬಿಂದುಗಳನ್ನು ವೃತ್ತಕೇಂದ್ರಬಿಂದುವಿಗೆ ಸೇರಿಸಲಾಗುತ್ತದೆ.
• ಎರಡು ಜ್ಯಾಗಳಿಂದ ಉಂಟಾದ ಕೋನಗಳ ಬಗ್ಗೆ ನೀವು ಏನು ಹೇಳಬಹುದು? ಎರಡು ಉಂಟಾದ ಕೋನಗಳು ಹೇಗೆ ಸಮಾನವಾಗಿವೆ. ರೂಪುಗೊಂಡ ತ್ರಿಭುಜಗಳನ್ನು ಹೋಲಿಕೆ ಮಾಡಿ.
• ಉಂಟಾದ ಕೋನವು ಯಾವಾಗ ದೊಡ್ಡದಾಗಿರುತ್ತದೆ?

• ಕೋನಗಳು ಸಮವಾಗಿದ್ದರೆ ಜ್ಯಾಗಳ ಅಳತೆ ಸಮಾನವಾಗಿರುತ್ತವೆಯೇ?

ಮೌಲ್ಯ ನಿರ್ಣಯ ಪ್ರಶ್ನೆಗಳು

• ವೃತ್ತವನ್ನು ಎಳೆಯಿರಿ, ವೃತ್ತಕೇಂದ್ರದಲ್ಲಿ ಸಮಾನ ಅಳತೆಯ ಎರಡು ಕೋನಗಳನ್ನು ಎಳೆಯಿರಿ. ಕೋನಗಳಿಂದ ರೂಪುಗೊಂಡ ಜ್ಯಾಗಳನ್ನು ಗುರುತಿಸಿ. ಎರಡು ಜ್ಯಾಗಳ ಉದ್ದವನ್ನು ಅಳೆಯಿರಿ. ನಿಮ್ಮ ಅವಲೋಕನಗಳನ್ನು ಬರೆಯಿರಿ.