ದೋಣಿ ವಿಹಾರ - ಧ್ವನಿ ಕಥೆಯ ಚಟುವಟಿಕೆ ಪುಟ

ಈ ಚಟುವಟಿಕೆಯ ಪುಟವು ಡಿಜಿಟಲ್ ಆಡಿಯೊ ಕಥೆಗಳ ಶಕ್ತಿಯನ್ನು ಶಿಕ್ಷಣ ಸಾಧನವಾಗಿ ಬಳಸಿಕೊಳ್ಳುವ ಮೂಲಕ ವಿದ್ಯಾರ್ಥಿಗಳ ಭಾಷಾ ಕಲಿಕೆಯ ಅನುಭವಗಳನ್ನು ಉತ್ಕೃಷ್ಟಗೊಳಿಸುವ ಪ್ರಯತ್ನದ ಭಾಗವಾಗಿದೆ. ಹೆಚ್ಚಿನದನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ.

ಪೀಠಿಕೆ:

ಹಳ್ಳಿಯಲ್ಲಿರುವ ಅಜ್ಜನ ಮನೆಗೆ ಹೋಗುವುದೆಂದರೆ ನಗರದಲ್ಲಿ ಬೆಳೆದ ಬಾಲಕ ರಾಜುವಿಗೆ ಬಹಳ ಖುಷಿ. ಈ ಬಾರಿಯ ಆತನ ರಜಾದ ಮಜಾ ವಿವರ ತಿಳಿಯಲು ದೋಣಿ ವಿಹಾರ ಓದಿ

ಉದ್ದೇಶಗಳು :

ಹಳ್ಳಿಯಲ್ಲಿರುವ ಅಜ್ಜನ ಮನೆಗೆ ಹೋಗುವುದೆಂದರೆ ನಗರದಲ್ಲಿ ಬೆಳೆದ ಬಾಲಕ ರಾಜುವಿಗೆ ಬಹಳ ಖುಷಿ. ಈ ಬಾರಿಯ ಆತನ ರಜಾದ ಮಜಾ ವಿವರ ತಿಳಿಯಲು ದೋಣಿ ವಿಹಾರ ಓದಿ

ಕಥಾ ವಸ್ತು : ಕುಟುಂಬ, ಸಾಹಸಪರಿಸರ ಮತ್ತು ವಾತಾವರಣ

ಗುರುತು ಪಟ್ಟಿ : ಹಿರಿಯ ಪ್ರಾಥಮಿಕ ಹಂತ, ತರಗತಿ ತರಗತಿ ೪,೫,೬,೭

ಧ್ವನಿ ಕಥೆ ಲಿಂಕ್:

https://idsp-dev.teacher-network.in/backend/sites/default/files/2024-07/Doni%20Vihara.mp3

ತರಗತಿ ಚಟುವಟಿಕೆ:


ಎಲ್ಲಾ ವಿದ್ಯಾರ್ಥಿಗಳು ಚಟುವಟಿಕೆಗಳಲ್ಲಿ ಭಾಗವಹಿಸಲು ಸಾಧ್ಯವಾಗುವಂತೆ ಮಾಡಲು ಕೆಲವು ಅಂಶಗಳು
ಮಕ್ಕಳಿಗೆ ತಮ್ಮ ಬೇಸಿಗೆ ರಜೆಯ ಅನುಭವವನ್ನು ಹಂಚಿಕೊಳ್ಳುವಂತೆ ತಿಳಿಸುವುದು. ನದಿ, ದೋಣಿ ಹಾಗೂ ನೀರಿನಲ್ಲಿ ಈಜುವ ಕುರಿತಾಗಿ ಮಕ್ಕಳಿಗಿರುವ ಅನುಭವಗಳನ್ನು ತಿಳಿದುಕೊಳ್ಳುವುದು. ಕೆರೆ, ನದಿ, ಸರೋವರಗಳ ಬಳಿ ಅನುಸರಿಸಬೇಕಾದ ಸುರಕ್ಷಿತ ಕ್ರಮಗಳ ಬಗ್ಗೆ ಪ್ರಭಂಧ ಬರೆಯಲು ಅವಕಾಶ ಮಾಡಿಕೊಡುವುದು. ದೋಣಿ ಪ್ರಯಾಣದ ಅನುಭವಗಳನ್ನು ಹಂಚಿಕೊಳ್ಳಲು ತಿಳಿಸುವುದು. ಮಕ್ಕಳು ತಮ್ಮ ಪೋಷಕರು ಅಥವಾ ತಾತ-ಅಜ್ಜಿಯಿಂದ ಕಲಿತ ಆಟಗಳು ಅಥವಾ ವಿದ್ಯೆಯನ್ನು ಗುಂಪಿನೊಂದಿಗೆ ಚರ್ಚಿಸಲು ತಿಳಿಸುವುದು. ದೋಣಿ ಮತ್ತು ಹಡಗಿನ ವ್ಯತ್ಯಾಸಗಳು ಹಾಗೂ ಅವುಗಳ ಕಾರ್ಯ, ಉಪಯೋಗ ಮತ್ತು ಮಹತ್ವದ ಕುರಿತಾಗಿ ಮಕ್ಕಳೊಂದಿಗೆ ಚರ್ಚಿಸುವುದು.

ಸಂಪೂರ್ಣ ದೈಹಿಕ ಚಟುವಟಿಕೆಗಳು

ಮಕ್ಕಳನ್ನು ವೃತ್ತಾಕಾರದಲ್ಲಿ ನಿಲ್ಲಿಸಿ ಕೆರೆ ಮತ್ತು ದಡ ಆಡಿಸುವುದು.
ಜಾನಿ ಜಪಾನಿನ ಮಂಗಗಳು ಎಂಬ ಅಭಿನಯ ಗೀತೆಯನ್ನು ಆಡಿಸುವುದು
ಬರಪೇಟೆ ಬಂಗಾರ ಜಿಲ್ಲಾ ಪೇಟೆ ಸಿಂಗಾರ ಎಂಬ ಅಭಿನಯ ಗೀತೆ ಹಾಡಿಸುವುದು.

ಆಲಿಸುವಿಕೆಯ ಪೂರ್ವ ಚಟುವಟಿಕೆಗಳು

ಬೇಸಿಗೆ ರಜೆಯಲ್ಲಿ ನೀವು ಏನು ಮಾಡಿರುವಿರಿ?
ನೀವು ಯಾವ ಊರಿಗೆ ಹೋಗಿದ್ದಿರಿ?
ಅಲ್ಲಿ ನೀನು ಯಾವೆಲ್ಲಾ ಸ್ಥಳಗಳನ್ನು ನೋಡಿ ಇಷ್ಟಪಟ್ಟೆ.
ನೀನು ನದಿಯಲ್ಲಿ ಏನೇನು ನೋಡಿದ್ದೀಯಾ?
ಹಾಗಾದರೆ ಮಕ್ಕಳೇ ಇಂದು ನದಿಯ ಕುರಿತಾಗಿ ಒಂದು ಕಥೆಯನ್ನ ಕೇಳೋಣ.

ಆಲಿಸುವ ಸಂಧರ್ಭದ ಚಟುವಟಿಕೆಗಳು

40 sec Pause
ರಾಜುವಿಗೆ ನದಿಯೆಂದರೆ ಏಕೆ ಇಷ್ಟ ಆಗಿರಬಹುದೂ?
ನಿಮಗೂ ನದಿ ಎಂದರೇ ಇಷ್ಟವೇ?
ಹಾಗಾದರೇ ಏಕೆ?
1.40 sec Pause
ಆ ಸಂಜೆ ರಾಜು ನದಿ ದಂಡೆಗೆ ಹೋಗುವನೇ?
ನದಿ ದಂಡೆಗೆ ಏಕೆ ಹೋಗಬೇಕು?
ನದಿ ದಂಡೆಗೆ ಹೋಗಲು ರಾಜು ಏನು ಮಾಡಿದನು?
ನೀನು ನದಿ ದಂಡೆಗೆ ಹೋದರೆ ಏನು ಮಾಡುತ್ತೀಯ?
2.49 Pause
ಅದು ಯಾವ ಕಾಯಿ ಆಗಿರಬಹುದು?
ಅದನ್ನು ಏಕೆ ಕಟ್ಟುತ್ತಾರೆ?
ನೀನೂ ಹೀಗೆ ಕಾಯಿ ಕಟ್ಟಿಕೊಂಡು ಈಜಾಡಿದ್ದೀಯಾ?
ಈಜಾಡುವಾಗ ಮುಳುಗದಂತೆ ಯಾವೆಲ್ಲಾ ತಂತ್ರಗಳನ್ನು ಉಪಯೋಗಿಸಬಹುದು ?
4.53 Pause
ರಾಜು ದೋಣಿಯಲ್ಲಿ ಕುಳಿತನಾ?
ನೀರು ಕಂಡರೆ ನಿಮಗೆ ಭಯವೋ ಖುಷಿಯೋ?

ಆಲಿಸಿದ ನಂತರದ ಚಟುವಟಿಕೆಗಳು

ಇಡೀ ಕಥೆಯಲ್ಲಿ ಕೆಲವು ಪದಗಳನ್ನು ಆಯ್ದು ಅದನ್ನು ಓದಿ ಬರೆಯಲು ಹೇಳುವುದು
ಕಥೆಗೆ ಸಂಬಂಧಿಸಿದ ಚಿತ್ರಗಳನ್ನು ಬರೆಯುವುದು
ಕಥೆಯಲ್ಲಿ ಬಂದ ಪಾತ್ರಗಳನ್ನು ಪಟ್ಟಿ ಮಾಡುವುದು.
ಕಥೆಯ ಪ್ರಾರಂಭ, ಮಧ್ಯಮ ಮತ್ತು ಅಂತ್ಯದ ಹಂತಗಳನ್ನು ಗುರುತಿಸಿ ಹೇಳುವುದು.
ನದಿಯಿಂದಾಗುವ ಅನುಕೂಲಗಳು ಹಾಗೂ ಅನಾನುಕೂಲಗಳು ಯಾವುವು?
ನದಿ ಹೇಗೆ ಕಲುಷಿತಗೊಳ್ಳುತ್ತದೆ? ಅದನ್ನು ಸಂರಕ್ಷಣೆ ಮಾಡುವುದು ಹೇಗೆ?
ನೀನೊಂದು ನದಿಯಾಗಿದ್ದರೆ ಜನರ ಯಾವ ವರ್ತನೆ ಇಷ್ಟ ಆಗುತ್ತಿತ್ತು ಮತ್ತು ಯಾವ ವರ್ತನೆ ಇಷ್ಟ ಆಗುತ್ತಿರಲಿಲ್ಲ? ಏಕೆ?
ನಿಮ್ಮ ದೋಣಿ ಪ್ರಯಾಣದ ಅನುಭವವನ್ನು ನಿಮ್ಮ ಸ್ವಂತ ಮಾತುಗಳಲ್ಲಿ ಬರೆಯಿರಿ .