ವೃತ್ತದ ಕಂಸ

ಎರಡೂ ದಿಕ್ಕುಗಳಲ್ಲಿನ ಎರಡು ಬಿಂದುಗಳೊಳಗಿನ ಪರಿಧಿಯ ಭಾಗವನ್ನು ಅದರ ಕಂಸಗಳು ಎಂದು ಕರೆಯಲಾಗುತ್ತದೆ.

ಕಲಿಕೆಯ ಉದ್ದೇಶಗಳು :

• ಒಂದು ಕಂಸವು ವೃತ್ತದ ಪರಿಧಿಯ ಮೇಲೆ ಎರಡು ವಿಭಿನ್ನ ಬಿಂದುಗಳ ನಡುವೆ ಒಳಗೊಂಡಿರುವ ವೃತ್ತದ ಒಂದು ಭಾಗವಾಗಿದೆ ಎಂದು ವಿದ್ಯಾರ್ಥಿಗಳು ಕಲಿಯುತ್ತಾರೆ.
• ದೊಡ್ಡ ಕಂಸವನ್ನು ಅಧಿಕ ಕಂಸ ಮತ್ತು ಸಣ್ಣದನ್ನು ಲಘು ಕಂಸ ಎಂದು ಕರೆಯಲಾಗುತ್ತದೆ ಎಂದು ವಿದ್ಯಾರ್ಥಿಗಳು ಕಲಿಯುತ್ತಾರೆ.

ಅಂದಾಜು ಸಮಯ:

10 ನಿಮಿಷಗಳು

ಬೇಕಾಗುವ ಪದಾರ್ಥಗಳು ಅಥವ ಸಂಪನ್ಮೂಲಗಳು:

ಡಿಜಿಟಲ್: ಕಂಪ್ಯೂಟರ್, ಜಿಯೋಜಿಬ್ರಾ ಅಪ್ಲಿಕೇಶನ್, ಪ್ರೊಜೆಕ್ಟರ್.

ಡಿಜಿಟಲ್ ಅಲ್ಲದ: ಕಾರ್ಯಪ್ರತಿ(ವರ್ಕ್‌ಶೀಟ್) ಮತ್ತು ಪೆನ್ಸಿಲ್, ಕೈವಾರ, ದಾರಗಳು

ಜಿಯೋಜಿಬ್ರಾ ಕಡತಗಳು: ವೃತ್ತದಲ್ಲಿ ಕಂಸಗಳು .ggb

ಪೂರ್ವಾಪೇಕ್ಷಿತ/ ಸೂಚನೆಗಳು , ಇದ್ದರೆ :

ಕೈವಾರ ಬಳಸಿ ವೃತ್ತವನ್ನು ಹೇಗೆ ಎಳೆಯಬೇಕು ಎಂಬುದನ್ನು ವಿದ್ಯಾರ್ಥಿಗಳು ತಿಳಿದಿರಬೇಕು.

ಕಂಸವು ಪರಿಧಿಯ ಭಾಗವಾಗಿದೆ ಎಂದು ಅವರು ತಿಳಿದಿರಬೇಕು.

ವಿಧಾನ/ಬೆಳವಣಿಗೆಯ ಪ್ರಶ್ನೆಗಳು

• ವೃತ್ತವನ್ನು 2 ಭಾಗಗಳಾಗಿ ವಿಂಗಡಿಸಿದರೆ,

1. ಎಷ್ಟು ಕಂಸಗಳು ರೂಪುಗೊಳ್ಳುತ್ತವೆ?
2. ಎರಡು ಕಂಸಗಳು ಸಮಾನವಾಗಿದೆಯೇ?
3. ಲಘು ಕಂಸ(ಸಣ್ಣ ಕಂಸ) ಮತ್ತು ಅಧಿಕ ಕಂಸ (ದೊಡ್ಡ ಕಂಸ) ಸ್ಥಾಪಿಸಿ
4. ದೊಡ್ಡ ಕಂಸ ಮತ್ತು ಸಣ್ಣ ಕಂಸದಿಂದ ಸುತ್ತುವರಿದ ಪ್ರದೇಶವನ್ನು ಹೋಲಿಸಿ, ಯಾವುದು ದೊಡ್ಡದಾಗಿದೆ?
5. ವೃತ್ತಖಂಡವನ್ನು ಸ್ಥಾಪಿಸಿ - ಅಧಿಕ ವೃತ್ತಖಂಡ ಮತ್ತು ಲಘು ವೃತ್ತಖಂಡ
6. ಜಿಯೋಜೆಬ್ರಾ ಫೈಲ್ ಅನ್ನು ಅನಿಮೇಟ್ ಮಾಡಿ ಅಧಿಕ ಕಂಸ ಲಘು ಕಂಸವಾಗುವುದನ್ನು ತೋರಿಸಿ.
7. ಒಂದು ಅಧಿಕ ಕಂಸ, ಇನ್ನೊಂದು ಲಘು ಕಂಸ; ಎರಡು ಕಂಸಗಳು ಸಮಾನವಾಗಿರಬಹುದೇ? ಅವುಗಳನ್ನು ಏನೆಂದು ಕರೆಯಲಾಗುತ್ತದೆ?
8. ಕಂಸಗಳು ಸಮಾನವಾಗಿದ್ದಾಗ ವೃತ್ತದ ಕೇಂದ್ರಕ್ಕೆ ಸಂಬಂಧಿಸಿದಂತೆ ಎರಡು ಬಿಂದುಗಳು ಹೇಗಿರುತ್ತವೆ?
9. ತ್ರಿಜ್ಯದ ನಡುವಿನ ಕೋನವನ್ನು ಸ್ಥಿರವಾಗಿರಿಸಿ ಆದರೆ ವೃತ್ತದ ತ್ರಿಜ್ಯವನ್ನು ಹೆಚ್ಚಿಸಿದರೆ, ಎರಡು ಕಂಸಗಳ ಬಗ್ಗೆ ನೀವು ಏನು ಹೇಳಬಹುದು?

ಮೌಲ್ಯ ನಿರ್ಣಯ ಪ್ರಶ್ನೆಗಳು

• ವೃತ್ತದ ಉದ್ದದ ಕಂಸ ಯಾವುದು?
• ಅಧಿಕ ಮತ್ತು ಲಘು ಕಂಸಗಳು ಒಂದೇ ಗಾತ್ರದಲ್ಲಿದ್ದಾಗ ಕಂಸಗಳನ್ನು ಏನೆಂದು ಕರೆಯಲಾಗುತ್ತದೆ?